|
|
 |
| (GMT+08:00)
2006-06-12 15:44:25
|
 |
|
ຝ່າຍຈີນຫວັງໃຫ້ອິນໂດເນເຊຍປະຕິບັດຕາມຄຳໝັ້ນສັນຍາເຄົາລົບນະໂຍບາຍຈີນດຽວດ້ວຍການກະທຳຕົວຈິງ
cri
Author: mo
ຕາມຂ່າວCRI：ວັນທີ 12 ມິຖຸນາຢູ່ທີ່ປັກກິ່ງ, ທ່ານລີຈ້າວຊິງ ລັດຖະມົນຕີການຕ່າງປະເທດຈີນກ່າວວ່າ, ຝ່າຍຈີນຫວັງໃຫ້ອິນໂດເນເຊຍຄຳນຶງເຖິງການປົກປັກຮັກສາການພົວພັນຄູ່ຂາຍຸດທະສາດຂອງສອງປະເທດແລະສັນຕິພາບ ສະຖຽນລະພາບຂອງພາກພື້ນຕົນ, ປະຕິບັດຕາມຄຳໝັ້ນສັນຍາເຄົາລົບນະໂຍບາຍຈີນດຽວດ້ວຍການກະທຳຕົວຈິງ.
ໃນເວລາພົບປະກັບທ່ານຮັດຊັນ ລັດຖະມົນຕີການຕ່າງປະເທດອິນໂດເນເຊຍທີ່ມາຢ້ຽມຢາມນັ້ນ, ທ່ານລີຈ້າວຊິງກ່າວວ່າ, ຈີນກັບອິນໂດເນເຊຍແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນ, ຝ່າຍຈີນຍິນດີພ້ອມກັນກັບອິນໂດເນເຊຍທຳຄວາມພະຍາຍາມ, ຊຸກຍູ້ໃຫ້ການພົວພັນຄູ່ຂາຍຸດທະສາດຂອງສອງປະເທດຂະຫຍາຍໄປໜ້າຫຼາຍກວ່າເກົ່າ. ທ່ານລີຈ້າວຊິງຍັງກ່າວວ່າ, ຝ່າຍຈີນຍິນດີສືບຕໍ່ໃຫ້ການຊ່ອຍເຫຼືອຕາມຄວາມສາມາດຂອງຕົນແກ່ເຂດປະສົບໄພແຜ່ນດິນໄຫວຢົກຢາກາກຕາອິນໂດເນເຊຍ.
ທ່ານຮັດຊັນເວົ້າວ່າ, ອິນໂດເນເຊຍຍິນດີສົນທະນາແລະແລກປ່ຽນກັບຝ່າຍຈີນເພີ່ມຂຶ້ນ, ບຸກເບີກແລະລົງເລິກການຮ່ວມມືໃນຂົງເຂດຕ່າງໆ. ທ່ານກ່າວລື້ມວ່າ, ອິນໂດເນເຊຍຈະສືບຕໍ່ເຄົາລົບນະໂຍບາຍຈີນດຽວ.
|
|
|
