|
ຕາມຂ່າວສານຊິນຮວາ:ວັນທີ12 ມິຖຸນາແມ່ນວັນຊາດຣັດເຊຍ.ມື້ດຽວກັນ,ທ່ານຫູຈີນທ່າວ ປະທານປະເທດຈີນສົ່ງໂທລະເລກອວຍພອນໃຫ້ທ່ານປູຕິນ ປະທານາທິບໍດີຣັດເຊຍ.
ໃນໂທລະເລກອວຍພອນທ່ານຫູຈີນທ່າວກ່າວວ່າ,ພາຍໃຕ້ການນຳພາຂອງທ່ານປະທານາທິບໍດີປູຕິນ,ຢູ່ຣັດເຊຍການເມືອງມີສະຖຽນລະພາບ,ເສດຖະກິດພັດທະນາຢ່າງວ່ອງໄວ,ກຳລັງແຮງແຫ່ງຊາດເຂັ້ມແຂງຂຶ້ນຢ່າງບໍ່ຢຸດຢັ້ງ,ເສີມຂະຫຍາຍບົດບາດອັນສຳຄັນໃນວຽກງານສາກົນແລະພາກພື້ນ.
ທ່ານຫູຈີນທ່າວກ່າວວ່າ,ແຕ່ຈີນກັບຣັດເຊຍສ້າງຕັ້ງການພົວພັນຄູ່ຂາປະສານງານດ້ານຍຸດທະສາດໃນ10ປີເປັນຕົ້ນມາ,ການພົວພັນດັ່ງກ່າວໄດ້ມີທ່ວງທ່າພັດທະນາຢ່າງປອດໃສແລະຟົດຟື້ນຢ່າງສະເໝີຕົ້ນສະເໝີປາຍ.ຄວານໄວ້ເນື້ອເຊື່ອໃຈເຊິ່ງກັນແລະກັນທາງການເມືອງລະຫວ່າງສອງຝ່າຍເພີ່ມທະວີຕື່ມອີກ,ການຮ່ວມມືໃນບັນດາຂົງເຂດມີຜົນສຳເລັດອັນອຸດົມສົມບູນ,ໄດ້ປະສານງານແລະຮ່ວມມືຢ່າງໃກ້ຊິດໃນວຽກງານສາກົນແລະພາກພື້ນ,ໄດ້ປະກອບສ່ວນອັນສຳຄັນເຂົ້າໃນການຮັກສາສັນຕິພາບສະຖຽນລະພາບຂອງໂລກ,ແລະຊູກຍູ້ການພັດທະນາຮ່ວມກັນ.ເຊື່ອວ່າພາຍໃຕ້ການຊຸກຍູ້ຂອງສອງຝ່າຍ,ການພົວພັນຄູ່ຂາປະສານງານດ້ານຍຸດທະສາດຈີນຣັດເຊຍຈະພັດທະນາດີກວ່າເກົ່າ.
|
