|
ຜູ້ຊ່ຽວຊານທາງການທະຫານຈີນຊີ້ອອກວ່າ,ຈີນຂາຍອາວຸດໃຫ້ຕ່າງປະເທດຢ່າງພໍດ້າມພໍດີແມ່ນສົມເຫດສົມຜົນແລະຊອບກົດໝາຍ
cri
Author: da
ຕາມຂ່າວສານຊິນຮວາ: ວັນທີ 12 ມິຖຸນາ ໃນເວລາຕ້ອນຮັບການເຂົ້າສຳພາດຂອງນັກຂ່າວຂ່າວສານຊິນຮວາ ທ່ານເຖີງຈ້ຽນຊູນ ຫົວໜ້າພະແນກຄົ້ນຄວ້າຂອງສະມາຄົມຄວບຄຸມແລະຫຼຸດກຳລັງລົບຈີນກ່າວວ່າ,ຈີນໄດ້ຄວບຄຸມຢ່າງເຄັ່ງຄັດຕໍ່ການຂາຍອາວຸດທີ່ມີການຈຳກັດໃຫ້ຕ່າງປະເທດ,ບໍ່ໄດ້ຂົ່ມຂູ່ເຖິງສັນຕິພາບຂອງພາກພື້ນ,ກໍ່ບໍ່ໄດ້ກໍ່ໄພມະນຸດສະທຳ.
ວັນທີ 12 ມິຖຸນາ,"ສາກົນນີລະໂທດ"ເຊິ່ງເປັນອົງການສິດທິມະນຸດສາກົນໄດ້ປະກາດບົດລາຍງານກ່ຽວກັບບັນຫາຈີນສົ່ງອອກອາວຸດ,ຕິຕຽນຈີນສົ່ງອອກອາວຸດຈຳນວນຫຼວງຫຼາຍໃຫ້ມຽນມາ ເນປານແລະຊູດັງເປັນຕົ້ນ,ອັນໄດ້ເຮັດໃຫ້ສະຖານະພາບຂອງເຂດແຄວ້ນເຫຼົ່ານີ້ເຄັ່ງຕຶງຂຶ້ນ,ທັງພາໃຫ້ເກີດໄພມະນຸດສະທຳ.
ໂດຍແນະໃສ່ການຕິຕຽນດັ່ງກ່າວ,ທ່ານເຖີງຈ້ຽນຊູນເວົ້າວ່າ,ຈີນໄດ້ປະຕິບັດຕາມຂໍ້ກຳນົດສາກົນທີ່ກ່ຽວຂ້ອງຢ່າງເຄັ່ງຄັດ,ທັງໄດ້ຄວບຄຸມຕົນເອງຢ່າງເຄັ່ງຄັດໃນດ້ານໂອນອຸປະກອນແລະເຕັກນິກທາງການທະຫານ.ຈີນແມ່ນອີງຕາມຫຼັກກະຕິກາສາກົນ,ສົ່ງອອກອາວຸດແຜນທຳມະດາຢ່າງພໍດ້າມພໍດີ,ດັ່ງນັ້ນແມ່ນສົມເຫດສົມຜົນແລະຊອບກົດໝາຍ,ຈະຕິຕຽນບໍ່ໄດ້.
|
|
