|
|
 |
| (GMT+08:00)
2006-06-13 17:33:30
|
 |
|
ການຄ້າກັບຕ່າງປະເທດຂອງຈີນປະເຊີນປັດໄຈຜູກມັດສາມປະການ
cri
Author: mo
ຕາມຂ່າວຈາກໜັງສືພິມເຢີນມິນຢື້ປ້າວສະບັບຕໍ່ຕ່າງປະເທດຂອງວັນທີ 13 ມິຖຸນາ: ຫວ່າງມໍ່ໆນີ້, ທ່ານສາຍຫາຍທ່າວ ຫົວໜ້າສະຖາບັນຄົ້ນຄວ້າການຮ່ວມມືເສດຖະກິດການຄ້າສາກົນຂອງກະຊວງການຄ້າຈີນກ່າວວ່າ, ການເຕີບໂຕແບບຊະຊາຍ, ການຂັດສີກັນດ້ານການຄ້ານັບມື້ນັບດຸເດືອດແລະການຄ້າບໍລິການເສຍປຽບ ແມ່ນປັດໄຈຜູກມັດສາມປະການຂອງການຄ້າກັບຕ່າງປະເທດຂອງຈີນ.
ໃນເວລາເຂົ້າຮ່ວມເວທີປາໄສຢູ່ເມືອງນິງໂປ່ ພາກຕາເວັນອອກຂອງຈີນ, ທ່ານສາຍຫາຍທ່າວກ່າວວ່າ, ການຄ້າກັບຕ່າງປະເທດເຕີບໂຕແບບຊະຊາຍໄດ້ສະແດງໃຫ້ເຫັນຢູ່ບ່ອນທີ່ຕົ້ນທຶນຊັບພະຍາກອນແລະການອະນຸລັກສິ່ງແວດລ້ອມແພງຫຼາຍ, ການຄ້າປຸງແຕ່ງອີງອາໄສຕ່າງປະເທດຂ້ອນຂ້າງຫຼາຍ. ປັດຈຸບັນ, ຊ່ອງທາງສົ່ງອອກແລະເຕັກນິກສະເພາະຂອງຜະລິດຕະພັນກົນຈັດເຄື່ອງຜະລິດໄຟຟ້າແລະຜະລິດຕະພັນໄຮເຕັກຂອງຈີນໄດ້ກຳຢູ່ໃນມືຂອງວິສາຫະກິດທຶນຕ່າງປະເທດໃນຂັ້ນພື້ນຖານ.
ການຂັດແຍ່ງກັນດ້ານການຄ້າໄດ້ນຳເອົາກຳລັງໜີບອັນໜັກໜ່ວງມາໃຫ້ສະພາບແວດລ້ອມການຄ້າກັບຕ່າງປະເທດຂອງຈີນ. ທ່ານສາຍຫາຍທ່າວກ່າວວ່າ, ຮອດທ້າຍປີ 2005, ປະເທດຕ່າງໆໄດ້ຟ້ອງຮ້ອງຕ້ານການຂາຍເລ 561 ລາຍໂດຍແນໃສ່ການສົ່ງອອກຂອງຈີນ, ກວມ 16% ຂອງຄະດີຕ້ານການຂາຍເລໃນທົ່ວໂລກ, ແຕ່ຈີນກວມພຽງແຕ່ 6% ຂອງຍອດບໍລິມາດການຄ້າສາກົນ.
ໃນດ້ານການຄ້າບໍລິການ, ທ່ານສາຍຫາຍທ່າວເວົ້າວ່າ, ປັດຈຸບັນ, ຈີນພຽງແຕ່ຢູ່ໃນຖານະທີ 9 ຂອງໂລກ, ໃນຂົງເຂດການທະນາຄານ ການບໍລິການແລະຄຳປຶກສາດ້ານຄອມພິວເຕີ ຈີນເຂົ້າໄດ້ໜ້ອຍທີ່ສຸດ, ໄດ້ມີດຸນເສຍປຽບຢ່າງຫຼວງຫຼາຍເປັນເວລາຍາວນານ.
|
|
|
