|
|
(GMT+08:00)
2006-06-13 17:50:39
|
|
ກອງປະຊຸມຂັ້ນລັດຖະມົນຕີອາຊີປາຊີຟິກຂອງອົງການທ່ອງທ່ຽວໂລກສະຫະປະຊາຊາດໄດ້ຈັດຂຶ້ນຢູ່ມາກາວ
cri
Author: mo
ຕາມຂ່າວCRI: ກອງປະຊຸມຂັ້ນລັດຖະມົນຕີອາຊີປາຊີຟິກຂອງອົງການທ່ອງທ່ຽວໂລກສະຫະປະຊາຊາດໄດ້ຈັດຂຶ້ນຢູ່ມາກາວແຕ່ວັນທີ 13 ຫາວັນທີ 14 ມິຖຸນາ.
ລັດຖະມົນຕີທີ່ຮັບຜິດຊອບການທ່ອງທ່ຽວຂອງ 15 ປະເທດແລະເຂດແຄວ້ນເຊັ່ນຈີນ ໄທ ອິນໂດເນເຊຍ ມາເລເຊຍ ບັງກະລາເດັດ ມົງໂກລີແລະມາກາວຈີນເປັນຕົ້ນໄດ້ເຂົ້າຮ່ວມກອງປະຊຸມ, ຜູ້ຮ່ວມປະຊຸມຍັງມີແຂກຜູ້ມີກຽດຮ້ອຍກວ່າຄົນທີ່ມາຈາກອາຊີປາຊີຟິກແລະເຂດອື່ນໆ.
ບັນດາຜູ້ແທນໄດ້ຫາລືທ່ວງທ່າຂະຫຍາຍຕົວຂອງການທ່ອງທ່ຽວຢູ່ອາຊີປາຊີຟິກ, ແລະໄດ້ຫາລືຫົວຂໍ້ກ່ຽວກັບ ຕະຫຼາດແຫຼ່ງນັກທ່ອງທ່ຽວຂອງຈີນແລະອິນເດຍທີ່ພວມຈະເລີນຂຶ້ນ, ການຊຳລະວິກິດການ, ແລະການນຳໃຊ້ການທ່ອງທ່ຽວມາບຳບັດຄວາມທຸກຍາກເປັນຕົ້ນ. ຄົນທັງຫຼາຍເຫັນໂດຍທົ່ວໄປວ່າ, ພາກພື້ນອາຊີປາຊີຟິກແມ່ນຫົວລົດໄຟທີ່ຊຸກຍູ້ໃຫ້ການທ່ອງທ່ຽວໃນທົ່ວໂລກພັດທະນາ, ຕາມສະຖິຕິ, ປີ 2005, ມີນັກທ່ອງທ່ຽວປະເທດຕ່າງໆ 156 ລ້ານຄົນມາທ່ຽວອາຊີ.
|
|
|