ຕາມ​ຂ່າວສານ​ຊິນ​ຮວາ:ວັນ​ທີ15 ມິຖຸນາ,​ເວ​ບ​​ໄຊ້ສັງ​ລວມດ້ວຍສອງ​ພາສາ​ຈີນຣັດ​ເຊຍແຫ່ງ​ທຳ​ອິດ​ໄດ້​ເປີດ​ບໍລິການ​ຢ່າງ​ເປັນທາງ​ການ​ຢູ່​ເມືອງ​ຮາ​ບິນ ​ແຂວງ​ໄຣລົງ​ຈຽງ​ຂອງ​ຈີນ.

ຕາມ​ຜູ້​ຮັບຜິດຊອບ​​ເວ​ບ​ໄຊ້​ແນ​ະນຳ​ວ່າ,​ເວ​ບ​ໄຊ້ຊື່ວ່າ"ໝູ່" (www.partnery.cn)ມີ​ຈຸດປະສົງ​ທີ່​ຊຸກຍູ້​ການ​ແລກປ່ຽນ​ລະຫວ່າງ​ຈີນ​ກັບຣັດ​ເຊຍ​ແລະ​ປະ​ເທດປະຊາ​ຄົມ​ລັດ​ເອກະລາດ​ອື່ນ,ຕົ້ນຕໍ​ສະ​ເໜີ​ສະພາບ​ກ່ຽວຂ້ອງ​ຂອງ​ແຂວງ​ໄຮ​ລົງ​ຈຽງ​ແລະ​ເຂ​ດ​​ອື່ນໆ​ຂອງ​ຈີນ,​ແລະ​ປະກາດ​ຂໍ້​ມູນຂ່າວສານ​ເສດຖະກິດ​ການ​ຄ້າ,ວິທະຍາສາດ,ການທ່ອງທ່ຽວ​ຂອງ​ສອງ​ຝ່າຍ​ຈີນຣັດ​ເຊຍ​ຢ່າງ​ທັນ​ການ,ສະໜອງ​ແທ່ນ​ເພີ່ມ​ທະວີການ​ຮ່ວມ​ມື​ເສດຖະກິດ​ເຕັກນິກ​ແລະ​ການ​ແລກປ່ຽນ​ວັດທະ​ນະ​ທຳ​ລະ​ຫວ່າງ​ຈີນຣັດ​ເຊຍ.

 ປັດຈຸບັນ,​ເວ​ບ​ໄຊ້ໝູ່ຄູ່​ໄດ້​​ເຊື່ອມ​ຕໍ່​ກັບ​ຊ່ອງ​ພາສາ​ຣັດ​ເຊຍ​ຂອງ​ເວ​ບ​ໄຊ້ຊິນ​ຮວາ​ແລະ​ເວ​ບ​ໄຊ້ປະຊາຊົນ​ເຊິ່ງ​ເປັນເວ​ບ​ໄຊ້ສື່​ມວນ​ຊົນຝ່າຍ​ທາງ​ການ​ຂອງ​ຈີນ​,​ແລະ​ສ້າງ​ການ​ພົວພັນ​ຮ່ວມ​ມື​ກັບສຳນັກ​ຂ່າວ​ຣັດ​ເຊຍ​ແລະ​ເວບ​ໄຊ້​ຂ່າວ​ຣັດ​ເຊຍ.