|
ຕ່າງປະເທດຊ່ອຍເຫຼືອຈີນ 1 ຕື້ 500 ລ້ານຢວນສ້າງກຳແພງຍາວສີຂຽວຢູ່ພາກເໜືອ
cri
Author: mo
ຕາມຂ່າວສານຊີນຮວາ: ວັນທີ 17 ມິຖຸນາແມ່ນວັນປ້ອງກັນແລະປົວແປງທີ່ດິນຫັນເປັນທະເລຊາຍແລະແຫ້ງແລ້ງຂອງໂລກ. ຫວ່າງມໍ່ໆນີ້, ນັກຂ່າວໄດ້ຊາບຈາກກົມປ່າໄມ້ແຫ່ງຊາດຈີນວ່າ, ນັບມາຮອດຕົ້ນປີ 2006, ລັດຖະບານຕ່າງປະເທດແລະອົງການສາກົນຈຳນວນໜຶ່ງໄດ້ຊ່ອຍເຫຼືອທຶນ 1 ຕື້ 500 ລ້ານຢວນປູກຕົ້ນໄມ້ສ້າງປ່າຢູ່ເຂດພາກຕາເວັນຕົກສຽງເໜືອ ພາກເໜືອແລະພາກຕາເວັນອອກສຽງເໜືອຂອງຈີນ, ໄດ້ຕັ້ງໜ້າສະໜັບສະໜູນກິດຈະການປູກຕົ້ນໄມ້ສ້າງປ່າປ້ອງກັນຢູ່ພາກເໜືອຂອງຈີນ.
ຕາມສະຖິຕິ, ປັດຈຸບັນ, ນັບລວມແລ້ວ, ກິດຈະການດັ່ງກ່າວສ້າງປ່າສຳເລັດ 25 ລ້ານກວ່າເຮັກຕາ, ອົງປະກອບພື້ນຖານຂອງລະບົບປ່າໄມ້ປ້ອງກັນໄດ້ຈໍ່ຕົວຂຶ້ນໃນເບື້ອງຕົ້ນ, ແລະໄດ້ປົວແປງຊີວະພາບຂອງເຂດດັ່ງກ່າວໃຫ້ດີຂຶ້ນເທື່ອລະກ້າວ. ກິດຈະການດັ່ງກ່າວຍັງຈະສືບເນື່ອງປະມານ 50 ປີ.
|
|
