|
|
 |
| (GMT+08:00)
2006-06-18 18:51:06
|
 |
|
ຈີນອິນເດຍມີແຜນຈະເປີດຕະຫຼາດຊາຍແດນທີ່ປາກຮ່ອມພູນາທູລາຄືນໃໝ່
cri
ຕາມຂ່າວສານຊີນຮວາ,ຈີນແລະອິນເດຍມີແຜນຈະເປີດຕະຫຼາດຊາຍແດນຢູ່ປາກຮ່ອມພູນາທູລາທີ່ຕິດຈອດຕິເບດຈີນກັບອິນເດຍຄືນໃໝ່,ຕະຫຼາດດັ່ງກ່າວໄດ້ປິດ40ກວ່າປີແລ້ວ.ຄະນະຜູ້ແທນການຄ້າຂອງອິນເດຍທີ່ຮັບຜິດຊອບເຈລະຈາກັບຝ່າຍຈີນກ່ຽວກັບເລື່ອງນີ້ໄດ້ເດີນທາງໄປຮອດລາຊ້າເມືອງເອກຂອງເຂດຕິເບດປົກຄອງຕົນເອງ,ທ່ານຊຽງປາພຸນຄົກ ປະທານເຂດຕິເບດໄດ້ພົບປະຄະນະຜູ້ແທນອິນເດຍໃນຕອນຄ່ຳມື້ດຽວກັນ.
ທ່ານຊຽງບາພຸນຄົກເວົ້າວ່າ,ການພົວພັນຈີນອິນເດຍມີມາແຕ່ບູຮານນະການ,ໃນຫຼາຍປີມານີ້ການພົວພັນເສດຖະກິດການຄ້າລະຫວ່າງສອງຝ່າຍໄດ້ຂະຫຍາຍຕົວຢ່າງວ່ອງໄວ,ຈີນເອົາໃຈໃສ່ນຳການພົວພັນເສດຖະກິດການຄ້າກັບອິນເດຍໃນລະດັບສູງ,ໄດ້ເຮັດວຽກກະກຽມຢ່າງຫຼວງຫຼາຍເພື່ອເລັ່ງລັດເປີດຕະຫຼາດຊາຍແດນປາກຮ່ອມພູນາທູລາຄືນໃໝ່.
ທ່ານເຟີນານເດັສ ຫົວໜ້າຄະນະຜູ້ແທນອິນເດຍເວົ້າວ່າ,ປີນີ້ແມ່ນປີໄມຕີຈິດຈີນອິນເດຍ, ຝ່າຍອິນເດຍຫວັງໃຫ້ເປີດການຄ້າກັບຈີນໃຫ້ກວ້າງອອກຕື່ມອີກ,ສ້າງການຮ່ວມມືເສດຖະກິດແລະການພົວພັນສອງຝ່າຍທີ່ຈົບງາມແລະໄວ້ເນື້ອເຊື່ອໃຈກວ່າເກົ່າ,ໂດຍສະເພາະແມ່ນການໄຂປະຕູຂອງປາກຮ່ອມພູນາທູລາຈະເປີດໜ້າໃໝ່ແຫ່ງການພົວພັນຈີນອິນເດຍ.
ປາກຮ່ອມພູນາທູລາສູງກວ່າໜ້ານ້ຳທະເລ4545ແມັດ,ຫ່າງຈາກເມືອງລາຊ້າ460ກິໂລແມັດ.ການໄຂປະຕູປາກຮ່ອມພູນີ້ຄືນໃໝ່,ຈະເສີມຂະຫຍາຍບົດບາດອັນສຳຄັນໃຫ້ແກ່ການສ້າງທາງບົກຈາກຈີນໄປອິນເດນແລະອາຊີໃຕ້,ເປີດການຄ້າຊາຍແດນຈີນອິນເດຍໃຫ້ກວ້າງອອກແລະສ້າງຄວາມສຸກໃຫ້ແກ່ປະຊາຊົນສອງຊາດ.
|
|
|
