|
|
 |
| (GMT+08:00)
2006-06-18 19:02:22
|
 |
|
ທາງລົດໄຟຊິງຫາຍຕິເບດສ້າງຄວາມໄວສູງສຸດໃນທາງລົດໄຟດິນກ້າມເທິງພູພຽງຂອງໂລກ
cri
Author: mo
ຕາມຂ່າວສານຊີນຮວາ: ພາຍຫຼັງທາງລົດໄຟຊິງຫາຍຕິເບດຂອງຈີນສ້າງສຳເລັດແລະແລ່ນລົດແລ້ວ, ລົດໄຟແລ່ນຢູ່ຕອນດິນກ້າມຈະໄວເຖິງ 100 ກິໂລແມັດຕໍ່ຊົ່ວໂມງ, ນີ້ແມ່ນຄວາມໄວສູງສຸດທີ່ລົດໄຟແລ່ນຢູ່ທາງລົດໄຟເທິງດິນກ້າມຂອງພູພຽງໃນໂລກປັດຈຸບັນ.
ການສ້າງທາງລົດໄຟຢູ່ເຂດດິນກ້າມຫຼາຍປີນັ້ນ, ແມ່ນບັນຫາຍາກດ້ານກິດຈະການໃນໂລກ. ຕາມທາງລົດໄຟໃນເຂດດິນກ້າມຫຼາຍປີທີ່ໄດ້ສ້າງສຳເລັດແລ້ວໃນໂລກ, ຄວາມໄວແລ່ນລົດມີພຽງແຕ່ 60-70 ກິໂລແມັດຕໍ່ຊົ່ວໂມງເທົ່ານັ້ນ. ເພຶ່ອແກ້ຂໍ້ຍາກດັ່ງກ່າວ, ໃນຕົ້ນຊຸມປີ 60 ສະຕະວັດທີ່ແລ້ວ,ຂະແໜງການຄົ້ນຄວ້າວິທະຍາສາດທາງລົດໄຟຂອງຈີນໄດ້ສ້າງທີ່ໝັ້ນຄົ້ນຄວ້າດິນກ້າມຢູ່ພູເຟິ່ງໂຫທີ່ສູງກວ່າໜ້ານ້ຳທະເລ 4800 ກວ່າແມັດຂອງພູພຽງຊິງຫາຍຕິເບດ. ໃນ 40 ກວ່າປີມານີ້, ຜູ້ຄົ້ນຄວ້າວິທະຍາສາດໄດ້ຍຶດໝັ້ນສັງເກດແລະບັນທຶກການປ່ຽນແປງຂອງດິນຟ້າອາກາດແລະດິນກ້າມໃນຕອນທົດລອງດິນກ້າມ, ໄດ້ສະສົມ 12 ລ້ານກວ່າຂໍ້ມູນອັນລ້ຳຄ່າເພື່ອສ້າງທາງລົດໄຟຊິງຫາຍຕິເບດ.
|
|
|
