|
ຫຼັງຈາກປີ 2007, ເຂດສ່ວນໃຫຍ່ຂອງຈີນຈະບັນລຸຄວາມດຸ່ນດ່ຽງລະຫວ່າງການສະໜອງກັບຄວາມຕ້ອງການພະລັງງານໄຟຟ້າ
cri
Author: min
ຕາມຂ່າວ CRI: ຫຼັງຈາກປີ 2007, ນອກຈາກໄລຍະເວລາທີ່ໃຊ້ໄຟຟ້າຫຼາຍໃນເຂດສ່ວນໜ້ອຍແລ້ວ, ຈະບັນລຸຄວາມດຸ່ນດ່ຽງກັນການສະໜອງກັບຄວາມຕ້ອງການພະລັງງານໄຟຟ້າໃນເຂດສ່ວນຫຼາຍຂອງຈີນ, ມີເຂດສ່ວນໜຶ່ງຍັງຈະມີສ່ວນເຫຼືອເລັກໜ້ອຍ.
ນີ້ແມ່ນນັກຂ່າວໄດ້ຊາບຈາກຄະນະກຳມະການພັດທະນາແລະປະຕິຮູບແຫ່ງລັດຈີນໃນວັນທີ 19 ມິຖຸນາ.
ນັບແຕ່ເດືອນມິຖຸນາປີ 2002 ເປັນຕົ້ນມາ, ຄຽງຄູ່ກັບເສດຖະກິດແຫ່ງຊາດພັດທະນາຢ່າງວ່ອງໄວ, ຈີນໄດ້ປະກົດມີສະພາບເຄັ່ງຕຶງໃນດ້ານສະໜອງພະລັງງານໄຟຟ້າຮອບໃໝ່. ເພື່ອຜ່ອນຄາຍຄວາມຂັດແຍ່ງກັນລະຫວ່າງຄວາມຕ້ອງການກັບການສະໜອງໂດຍໄວ, ຈີນໄດ້ຂ້ຽວເລັ່ງສ້າງສາພະລັງງານໄຟຟ້າ, ຄວາມສາມາດສະໜອງພະລັງງານໄຟຟ້າໄດ້ຍົກສູງຂຶ້ນຢ່າງເດັ່ນຊັດ. ນັບມາຮອດປະຈຸບັນ, ບໍລິມາດຜະລິດໄຟຟ້າຂອງຈີນໄດ້ບັນລຸ 531 ລ້ານກິໂລວັດ. ສະພາບເຄັ່ງຕຶງໃນດ້ານສະໜອງໄຟຟ້າ, ໄດ້ຜ່ອນຄາຍລົງຫຼາຍແລ້ວ.
ຄະນະກຳມະການພັດທະນາແລະປະຕິຮູບແຫ່ງລັດຈີນແນະນຳວ່າ, ໃນໄລຍະໜຶ່ງຕໍ່ໄປ, ຈີນຈະດຳເນີນການສັບຊ້ອນຕໍ່ອົງປະກອບພະລັງງານໄຟຟ້າຄຽງຄູ່ກັບການສືບຕໍ່ເພີ່ມທະວີການກໍ່ສ້າງພະລັງງານໄຟຟ້າ, ຂ້ຽວເລັ່ງພັດທະນາພະລັງງານໄຟຟ້າສະອາດ. ຄາດວ່າ, ຮອດປີ 2010, ບໍລິມາດຜະລິດໄຟຟ້າຂອງຈີນຈະບັນລຸເກືອບ 800 ລ້ານກິໂລວັດ, ໃນນັ້ນ, ພະລັງງານໄຟຟ້າສະອາດຕ່າງໆ, ຄື: ໄຟຟ້ານ້ຳຕົກ, ໄຟຟ້ານິວເຄຼຍແລະການໄຟຟ້າດ້ວຍພະລັງງານໃໝ່ຈະລື່ນກາຍ 35%.
|
|
