|
ທ່ານມາອິງຈີວພາເຈົ້າເມືອງສັງກັດພັກກົກມິນຕັງຈີນອອກຖະແຫຼງການວ່າ,ການປົດທ່ານເສີນສຸຍປຽນແມ່ນຄວາມຮັບຮູ້ຄືກັນຂອງປວງຊົນໄຕ້ຫວັນ
cri
Author: da
ຕາມຂ່າວສານຊິນຮວາ:ວັນທີ19ມິຖຸນາ,ທ່ານມາອິງຈີວ ປະທານພັກກົກມິນຕັງຈີນພ້ອມກັບເຈົ້າເມືອງສັງກັດພັກກົກມິນຕັງລວມ14ຄົນໄດ້ອອກຖະແຫຼງການຮ່ວມວ່າ"ສ່ອງແສງສຽງໃນໃຈຂອງຮາກຖານ,ສະໜັບສະໜູນຍັດຕິປົດຕຳແໜ່ງ",ກ່າວວ່າການປົດຕຳແໜ່ງຂອງທ່ານເສີນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນບໍ່ແມ່ນຄຳຮຽກຮ້ອງຂອງພັກໃດພັກໜຶ່ງ,ຫາກແມ່ນຄວາມຮັບຮູ້ຄືກັນຂອງປວງຊົນໄຕ້ຫວັນ.
ທ່ານມາອິງຈີວເວົ້າວ່າ,ຈຳນວນຄົນທີ່ຮ່ວມລົງນາມປົດຕຳແໜ່ງຂອງທ່ານເສີນສຸຍປຽນໄດ້ລື່ນກາຍ 7 ແສນຄົນ,ຄາດວ່າຈະລື່ນກາຍລ້ານຄົນ.ທີ່ຈິງແລ້ວ ການປົດຕຳແໜ່ງບໍ່ຕ້ອງການການຮ່ວມລົງນາມ,ການເຄື່ອນໄຫວຮ່ວມລົງນາມພຽງແຕ່ແມ່ນເພື່ອສ່ອງແສງໃຫ້ເຫັນຄວາມບໍ່ພໍໃຈຂອງປວງຊົນຮາກຖານທີ່ມີຕໍ່ທ່ານເສີນສຸຍປຽນ.
ຄອບຄົວແລະຜູ້ໃກ້ຊິດຂອງທ່ານເສີນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນກ່ຽວພັນກັບຄະດີສໍ້ລາດບັງຫຼວງຕ່າງໆໄດ້ພາໃຫ້ປວງຊົນຄຽດແຄ້ນທີ່ສຸດ.ໃນຫຼາຍມື້ມານີ້,ຫາງສຽງໃນເກາະໄຕ້ຫວັນນອກຈາກຕິຕຽນທ່ານເສີນສຸຍປຽນບໍ່ມີຄຸນສົມບັດແລະໄຮ້ຄວາມສາມາດຢ່າງຮຸນແຮງແລ້ວ,ສຽງຮຽກຮ້ອງໃຫ້ເພິ່ນລາອອກຈາກຕຳແໜ່ງກໍນັບມື້ນັບແຮງຂຶ້ນ.
|
|
