|
ຕາມຂ່າວສານຊິນຮວາ:ວັນທີ18ມິຖຸນາ,ຜູ້ຮັບຜິດຊອບທີ່ກ່ຽວຂ້ອງຂອງຫ້ອງການຖະແຫຼງຂ່າວກະຊວງກະສິກຳຈີນປະກາດວ່າ,ສູນອານາໄມແລະພະຍາດຕິດແປດວິທະຍາຂອງສັດຈີນໄດ້ເຮັດວຽກຢ່າງເປັນທາງການຢູ່ຊີ່ງຕາວ ເມືອງພາກຕາເວັນອອກຂອງຈີນ.
ຜູ້ຮັບຜິດຊອບຜູ້ນີ້ແນະນຳວ່າ,ໃນຫຼາຍປີມານີ້,ຄຽງຄູ່ກັບພະຍາດສັດອັນສຳຄັນ ເຊັ່ນ,ໄຂ້ຫວັດນົກເປັນຕົ້ນໄດ້ເກີດຂຶ້ນ,ໜ້າທີ່ປ້ອງກັນຄວບຄຸມພະຍາດສັດຂອງຈີນໄດ້ໜັກຂຶ້ນເລື້ອຍໆ,ການເພິ່ມທະວີວຽກງານປ້ອງກັນຄວບຄຸມພະຍາດສັດອັນສຳຄັນ,ການເສີມສ້າງລະບົບຄ້ຳຊູດ້ານເຕັກນິກສັດຕະວະແພດ,ແລະການຍົກຄວາມສາມາດປ້ອງກັນພະຍາດໃຫ້ສູງຂຶ້ນໄດ້ກາຍເປັນໜ້າທີ່ຮີບດ່ວນທີ່ສຸດ.
ຕາມຊາບວ່າ,ຫຼັງຈາກສູນດັ່ງກ່າວເຮັດວຽກຢ່າງເປັນທາງການແລ້ວ,ຕົ້ນຕໍຈະຫາບແບບການສຳຫຼວດພະຍາດຕິດແປດວິທະຍາ,ການບົ່ງມະຕິແລະການຕິດຕາມກວດກາພະຍາດສັດອັນສຳຄັນແລະວຽກງານຕ່າງໆ ເຊັ່ນ,ມາດຖານກົດຂໍ້ບັນຍັດອານາໄມສັດແລະການຄົ້ນຄວ້າເຕັກນິກມາດຕະການປ້ອງກັນຄວບຄຸມພະຍາດສັດທີ່ສຳຄັນທີ່ມາຈາກພາຍນອກເປັນຕົ້ນ,ສະໜອງບ່ອນອີງດ້ານວິທະຍາສາດໃຫ້ແກ່ການຕົກລົງນະໂຍບາຍປ້ອງກັນຄວບຄຸມພະຍາດສັດແຫ່ງລັດແລະການຄຸ້ມຄອງອານາໄມສັດ.
|
