ຕາມ​ຂ່າວສານ​ຊິນ​ຮວາ:ວັນ​ທີ19​ມິຖຸນາ,ຢູ່​ທີ່​ປັກ​ກິ່ງ,ທ່ານ​ຮວງ​ຈູ ຮອງ​ນາຍົກລັດ​ຖະມົນຕີຈີນກ່າວ​ວ່າ,ລັດຖະບານ​ຈີນ​ຈະ​ຊຸກ​ຍູ້​ການ​ປະຕິ​ຮູບ​ໃນ​ຂົງ​ເຂດ​ທະນາຄານ​ຢ່າງໝັ້ນ​ໜຽວ​ບໍ່​ປ່ຽນ​ແປງ,ອີງ​ຕາມ​ຄຳ​ໝັ້ນ​ສັນຍາ​​ໃນ​ການ​ເຂົ້າ​ຮ່ວມອົງການ​ການ​ຄ້າ​ໂລກ,ສື​ບຕໍ່ຂະ​ຫຍາ​ຍການ​ເປີດ​ປະຕູ​ຂະ​ແໜງ​ການ​ທະນາ​ຄານສູ່​ພາຍ​ນອກ​ຢ່າງ​ໝັ້ນ​ທ່ຽງ,ຍົກ​ລະດັບ​ຕິດຕາມ​ຄຸ້ມ​ຄອງ​ການ​ທະນາຄານ​ແລະ​ຄວາມສາມາດ​ປ້ອງ​ກັນຄວາມສ່ຽງ​ໃຫ້​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ.

ທ່ານ​ຮວງ​ຈູ​ເວົ້າ​ວ່າ,​ໃນ​ຫຼາຍ​ປີ​ມາ​ນີ້,​ຄຽງ​ຄູ່​ກັບ​ເສດຖະກິດ​ຈີນ​ເຕີບ​ໂຕຢ່າງ​ສືບ​ເນື່ອງ​ແລະ​ວ່ອງ​ໄວ​ແລະ​ການ​​ເປີດ​ປະຕູ​ສູ່​ພາຍ​ນອກ​ລົງ​ເລິກ​ຕື່ມ​ອີກ,ການ​ປະຕິ​ຮູບ​ການ​ທະນາຄານ​ຂອງ​ຈີນ​ກໍ່​ໄດ້​ຮັບ​ຄວາມ​ຄືບ​ໜ້າ​ຢ່າງ​ຫຼວງ​ຫຼາຍ.​ໃນ​ບັນຫາ​ອັນ​ສຳຄັນ ​ເຊັ່ນ,ການ​ປະຕິຮູບລະບອບ​ຫຸ້ນ​ສ່ວນທະ​ນາຄານ​ການ​ຄ້າ​ແຫ່ງລັດ,ການ​ປະ​ຕິ​ຮູບ​ກົນ​ໄກ​ຈໍ່​ຕົວ​ອັດຕາ​ແລກປ່ຽນ​ເງິນ​ຢວນພ້ອມ​ດ້ວຍ​ການ​ເປີດ​ກວ້າງ​ການ​ປະຕິ​ຮູບ​ໃນ​ຂົງ​ເຂດ​ການ​ທະນາຄານ​ເປັນ​ຕົ້ນ,ຈີນ​ອີງ​ຕາມ​ສະພາບ​​ແຫ່ງ​ຊາດ​ຂອງ​ຕົນ,ຖອດ​ຖອນ​ບົດຮຽນ​ອັນ​ກ້າວໜ້າ​ສາກົນ,ຊອກ​ຄົ້ນຢ່າງ​ບໍ່​ຢຸດ​ຢັ້ງ,ຊຸກ​ຍູ້​ຢ່າງ​ໝັ້ນ​ທ່ຽ​ງ​ແລະ​ເປັນ​ລະບຽບ,​ແລະ​ໄດ້​ຮັບ​ການ​ບຸກທະ​ລຸ​ອັນ​ສຳ​ຄັນ.ລະ​ບົບຕິດຕາມ​ຄຸ້ມ​ຄອງ​ການ​ທະນາຄານ​ແບບ​ໃໝ່​ໝູນ​ເດີນ​ຢ່າງໝັ້ນ​ທ່ຽງ,ການ​ຕິດ​ຕາມຄຸ້ມ​ຄອງ​ການ​ທະນາຄານ​ໄດ້​ເພິ່​ມຂຶ້ນ​ຫຼາຍ.