|
|
 |
| (GMT+08:00)
2006-06-19 21:15:00
|
 |
|
ຈີນຈະສືບຕໍ່ຮັກສາໃຫ້ອັດຕາແລກປ່ຽນເງິນຢວນຈີນໝັ້ນທ່ຽງໃນຂັ້ນພື້ນຖານໃນລະດັບທີ່ສົມເຫດສົມຜົນແລະດຸນດຽງກັນ
cri
Author: mo
ຕາມຂ່າວສານຊີນຮວາ: ຈີນຈະສືບຕໍ່ອິງຕາມຫຼັກການທີ່ເປັນເຈົ້າການ ຄວບຄຸມໄດ້ແລະຄ່ອຍເປັນຄ່ອຍໄປ, ບູລະນະລະບອບອັດຕາແລກປ່ຽນລອຍຕົວທີ່ມີການຄຸ້ມຄອງໃຫ້ສົມບູນຂຶ້ນ, ເສີມຂະຫຍາຍບົດບາດພື້ນຖານຂອງການສະໜອງກັບຄວາມຕ້ອງການຂອງຕະຫລາດໃນການຈໍ່ຕົວເປັນອັດຕາແລກປ່ຽນເງິນຢວນ, ຮັກສາໃຫ້ອັດຕາແລກປ່ຽນເງິນຢວນຈີນໝັ້ນທ່ຽງໃນຂັ້ນພື້ນຖານໃນລະດັບທີ່ສົມເຫດສົມຜົນແລະດຸນດຽງກັນ.
ນັກຂ່າວໄດ້ຮູ້ຂ່າວດັ່ງກ່າວຈາກກອງປະຊຸມທີ່ຄະນະກຳມະການນະໂຍບາຍເງິນຕາຂອງທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນຈັດຂຶ້ນໃນຫວ່າງມໍ່ໆນີ້.
ກອງປະຊຸມເຫັນວ່າ, ຈີນຄວນສືບຕໍ່ປະຕິບັດນະໂຍບາຍເງິນຕາທີ່ໜັກແໜ້ນ, ຍົກຄວາມເປັນເຈົ້າການຂອງການຄວບຄຸມການທະນາຄານໃຫ້ສູງຂຶ້ນ, ລະງັບການກູ້ເງິນສິນເຊື່ອເພີ່ມຂຶ້ນໄວເກີນຄວນນັ້ນຕື່ມອີກ.
ກອງປະຊຸມຍັງກ່າວເນັ້ນຈະເພີ່ມຄວາມຕ້ອງການການບໍລິໂພກພາຍໃນປະເທດຢ່າງຕັ້ງໜ້າ, ເຮັດໃຫ້ອົງປະກອບການລົງທຶນດີຂຶ້ນ, ລະງັບທ່ວງທ່າທີ່ການລົງທຶນເພີ່ມຂຶ້ນໃນລະດັບສູງ. ພ້ອມກັນນັ້ນ, ຕັ້ງໜ້າຊຸກຍູ້ການສັບຊ້ອນອົງປະກອບຜະລິດຕະກຳແລະອົງປະກອບການຄ້າສາກົນ, ຊຸກຍູ້ໃຫ້ລາຍຮັບລາຍຈ່າຍສາກົນດຸນດຽງກັນ, ຊຸກຍູ້ການຫັນປ່ຽນວິທີເຕີບໂຕທາງເສດຖະກິດແລະການຍົກຄຸນນະພາບການເຕີບໂຕດ້ານເສດຖະກິດໃຫ້ສູງຂຶ້ນ.
|
|
|
