|
|
 |
| (GMT+08:00)
2006-06-20 18:38:12
|
 |
|
"ກົດຂໍ້ກຳນົດປົກປ້ອງສິດເຜີຍແຜ່ຕາມເຄືອຂ່າວຂໍ້ມູນຂ່າວສານ"ຈະປະຕິບັດ
cri
Author: MO
ຕາມຂ່າວຈາກໜັງສືພິມ"ຈົ່ງໂກເວີນຮວ້າປ້າວ": "ກົດຂໍ້ກຳນົດປົກປ່ອງສິດເຜີຍແຜ່ຕາມເຄືອຂ່າຍຂໍ້ມູນຂ່າວສານ"ທີ່ຄະນະລັດຖະບານຈີນລົງນາມນັ້ນຈະປະຕິບັດແຕ່ວັນທີ 1 ກໍລະກົດເປັນຕົ້ນໄປ, ການປະຕິບັດກົດຂໍ້ກຳນົດດັ່ງກ່າວຈະມີບົດບາດສຳຄັນຕໍ່ການສະກັດກັ້ນບັນຫາລ່ວງລະເມີດສິດທາງອິນເຕີເນັດ.
ກົດຂໍ້ກຳນົດດັ່ງກ່າວໄດ້ອີງຕາມຈຸດພິເສດຂອງສິດເຜີຍແຜ່ຕາມເຄືອຂ່າຍຂໍ້ມູນຂ່າວສານໄດ້ກຳນົດຢ່າງຈະແຈ້ງຕໍ່ການປົກປ້ອງສິດຂອງຜູ້ຖືສິດ, ເຊິ່ງກໍຄື: ການສະສະໜອງບົດປະພັນຂອງຜູ້ຖືສິດຕໍ່ສາທາລະນະຊົນໂດຍຜ່ານເຄືອຂ່າຍຂໍ້ມູນຂ່າວສານ, ຕ້ອງໄດ້ຮັບອະນຸຍາດຈາກຜູ້ຖືສິດ, ທັງຈ່າຍຄ່າຕອບແທນ. ນອກນີ້, ກົດຂໍ້ກຳນົດໄດ້ຖອດຖອນເອົາວິທີທົ່ວໄປຂອງສາກົນ, ໄດ້ສ້າງລະບຽບການກະທັດຮັດຄື"ແຈ້ງກັບການລຶບ" ໃນການຊຳລະການວິວາດທີ່ລະເມີດສິດ, ເຮັດໃຫ້ຜູ້ຖືສິດສາມາດປົກປ້ອງສິດຂອງຕົນກວ້າງຂວາງແລະຢ່າງບັງເກີດຜົນກວ່າເກົ່າ.
ຂໍ້ກຳນົດດັ່ງກ່າວຍັງໄດ້ເອົາໃຈໃສ່ເປັນພິເສດເຮັດໃຫ້ສິດປະໂຫຍດລະຫວ່າງຜູ້ຖືສິດ ຜູ້ສະໜອງການບໍລິການເທິງເນັດ ແລະຜູ້ໃຊ້ບົດປະພັນໃຫ້ດຸນດຽງກັນ, ສະແຫວງຫາກົນໄກຊຳລະການວິວາດກັນທີ່ງ່າຍດາຍແລະປະຢັດ, ໂຈມຕີການລ່ວງລະເມີດສິດທາງອິນເຕີເນັດຢ່າງກວ້າງຂວາງແລະບັງເກີດຜົນກວ່າເກົ່າ.
|
|
|
