|
ແຂວງເຊສວນຈີນເກີດໄພຫີນພູຖະຫຼົ່ມ, ເຂດປະສົບໄພໄດ້ຍົກຍ້າຍ 2500 ກວ່າຄົນໂດຍດ່ວນ
cri
Author: mo
ຕາມຂ່າວສານຊີນຮວາ: ຕອນຮຸ່ງເຊົ້າວັນທີ 18 ມິຖຸນາ, ໝູ່ບ້ານແຫ່ງໜຶ່ງໃນເມືອງຄ່າງຕີ້ງເຂດຍ່ອຍກ່ານຈື່ເຜົ່າຕິເບດປົກຄອງຕົນເອງຂອງແຂວງເຊສວນ ພາກຕາເວັນຕົກຂອງຈີນໄດ້ເກີດໄພຫີນພູຖະຫຼົ່ມຢ່າງກະທັນຫັນ. ຮອດວັນທີ 19 ມິຖຸນາ, ເຂດປະສົບໄພໄດ້ຍົກຍ້າຍ 2500 ກວ່າຄົນໂດຍດ່ວນແລ້ວ.
ປັດຈຸບັນ, ວຽກງານກູ້ໄພພວມດຳເນີນຢູ່ຢ່າງເຄັ່ງຮ້ອນແລະມີລະບຽບ, ເພື່ອຮັບປະກັນຄວາມປອດໄພ, ເຂດປະສົບໄພໄດ້ຍົກຍ້າຍປະຊາຊົນ 2544 ຄົນທີ່ປະສົບໄພຫຼືຖືກຂົ່ມຂູ່ນັ້ນໂດຍດ່ວນ.
ພາກສ່ວນອົງການປົກຄອງທ້ອງຖິ່ນໄດ້ຈັດວາງວັດຖຸກູ້ໄພຕ່າງໆຢ່າງຫຼວງຫຼາຍເຊັ່ນຜ້າຫົ່ມ ເຄື່ອງກິນແລະຢຸກຢາເປັນຕົ້ນ, ແບ່ງໃຫ້ມວນຊົນຜູ້ປະສົບໄພ, ເພື່ອຮັບປະກັນຊີວິດການເປັນຢູ່ຂອງພວກເຂົາເຈົ້າ.
ຕາມຊາບວ່າ, ໄພພິບັດເທື່ອນີ້, ໄດ້ເຮັດໃຫ້ 11 ຄົນຕາຍ, 6 ຄົນບາດເຈັບ, ເຮັດໃຫ້ເຮືອຊານຂອງໄທບ້ານແລະທາງຫຼວງຖືກທຳລາຍ, ການສະສະໜອງໄຟຟ້າແລະນ້ຳຂາດສະບັ້ນ.
|
|
