|
ຕາມຂ່າວCRI:ວັນທີ19ມິຖຸນາ,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນໄດ້ເຈລະຈາກັບທ່ານຄາຊາຍ ປະທານາທິບໍດີອາຟການີສະຖານທີ່ມາຢາມ,ສອງຝ່າຍໄດ້ມີຄວາມຮັບຮູ້ຄືກັນອັນສຳຄັນຕໍ່ການເປີດກວ້າງແລະເພິ່ມທະວີການຮ່ວມມືໃນຂົງເຂດຕ່າງໆ,ການສ້າງສາແລະຂະຫຍາຍການພົວພັນຄູ່ຂາຮອບດ້ານລະຫວ່າງຈີນກັບອາຟການີສະຖານ,ແລະໄດ້ລົງນາມໃນ"ສົນທິສັນຍາການຮ່ວມມືດ້ວຍໄມຕິຈິດຖານບ້ານໃກ້ເຮືອນຄຽງຈີນ-ອາຟການີສະຖານ".
ທ່ານຫູຈິນທາວກ່າວລື້ມວ່າ,ຝ່າຍຈີນເຄົາລົບລະບອບສັງຄົມແລະເສັ້ນທາງພັດທະນາທີ່ປະຊາຊົນອາຟການີສະຖານເລືອກເອົາເອງ,ສະໜັບສະໜູນແລະຕັ້ງໜ້າເຂົ້າຮ່ວມຂະບວນການສ້າງສາຄືນໃໝ່ຂອງອາຟການີສະຖານ.ທ່ານສະເໜີໃຫ້ສອງຝ່າຍເພິ່ມທະວີການຮ່ວມມືໃນຂົງເຂດຈຸດໜັກເຊັ່ນ,ຄົມທະນາຄົມ,ພະລັງໄຟຟ້າ,ຂູດຄົ້ນບໍ່ແຮ່ແລະໂທລະຄົມເປັນຕົ້ນ,ເພິ່ມທະວີການຮ່ວມມືດ້ານວຽກງານຄວາມປອດໄພແລະຕຳຫຼວດແລະການຮ່ວມມືໃນຂົງເຂດຄວາມປອດໄພທີ່ບໍ່ແມ່ນດັ້ງເດີມ ເຊັ່ນ,ຕ້ານການກໍ່ການຮ້າຍແລະເກືອດຫ້າມຢາເສບຕິດເປັນຕົ້ນ,ພ້ອມກັນໂຈມຕີອິດທິກຳລັງ3ແງ່ ຄື,ລັດທິການກໍ່ການຮ້າຍ,ລັດທິແບ່ງແຍກແລະລັດທິຫົວຈັດແລະອາຊະຍາກຳຂ້າມຊາດ.
ທ່ານຄາຊາຍກ່າວວ່າ,ລັດຖະບານອາຟການີສະຖານຈະສືບຕໍ່ຍຶດໝັ້ນສະໜັບສະໜູນແລະເຄົາລົບນະໂຍບາຍຈີນດຽວ,ສຸມກຳລັງເຂົ້າໃນການສະໜັບສະໜູນການຂະຫຍາຍຕົວຮອບດ້ານຂອງການພົວພັນຮ່ວມມືດ້ວຍໄມຕິຈິດລະຫວ່າງອາຟການີສະຖານກັບຈີນ,ແລະຍິນດີກາຍເປັນຂົວຕໍ່ສຳລັບຈີນກັບປະເທດອາຊີກາງດຳເນີນການຮ່ວມມືກັນ.
|
