|
|
 |
| (GMT+08:00)
2006-06-22 16:00:25
|
 |
|
ກອງປະຊຸມການຄ້າຊອຟແວສາກົນຈີນຄັ້ງທີ 4 ຈັດຂຶ້ນຢູ່ເມືອງຕ້າລຽນ
cri
Author: min
ຕາມຂ່າວສານຊິນຮວາ: ວັນທີ 21 ມິຖຸນາ, ງານຕະຫຼາດນັດຊອຟແວແລະບໍລິການຂໍ້ມູນຂ່າວສານສາກົນຈີນຄັ້ງທີ 4 ໄດ້ຈັດຂຶ້ນຢູ່ເມືອງຕ້າລຽນ ເມືອງທ່າພາກຕາເວັນອອກສຽງເໜືອຂອງຈີນ. ເຈົ້າໜ້າທີ່ລັດຖະບານທີ່ຈາກ 13 ປະເທດແລະເຂດແຄ້ວນ, ເຊັ່ນ: ຈີນ, ອາເມລິກາ, ສ.ເກົາຫຼີແລະຍີ່ປຸ່ນເປັນຕົ້ນແລະຜູ້ຕາງໜ້າຂອງວິສາຫະກິດຊອຟແວຈີນແລະຕ່າງປະເທດ 600 ກວ່າຫຼັງໄດ້ເຂົ້າຮ່ວມກອງປະຊຸມ.
ງານຕະຫຼາດນັດຊອຟແວຂັ້ນລັດເທື່ອນີ້ຈະດຳເນີນເປັນເວລາ 4 ມື້. ຕາມໄດ້ຊາບ, ຫຼາຍບໍລິສັດໃຫຍ່ຜະລິດຕະກຳຊອຟແວຈີນແລະຕ່າງປະເທດ, ຄື ບໍລິສັດອິນແທວ, ໂອຣາເຄິນ, ໄມໂຄຼຊອຟແລະເລີໂນໂວເປັນຕົ້ນຕ່າງຈະນຳຜະລິດຕະພັນໃໝ່ສຸດຂອງຕົນ, ອອກວາງສະແດງໃນງານຄັ້ງນີ້, ຊອກຫາໂອກາດການຄ້າຮ່ວມມືໃໝ່.
ຜະລິດຕະກຳຊອຟແວພວມກາຍເປັນຈຸດເຕີບໂຕໃໝ່ຂອງເສດຖະກິດຈີນ. ຂະໜາດຂອງຜະລິດຕະກຳຊອຟແວຈີນໄດ້ຈາກບໍ່ຮອດ 60 ຕື້ຢວນໃນປີ 2000 ຂະຫຍາຍຮອດ 390 ຕື້ຢວນໃນປີກາຍ. ຄາດວ່າ, ໃນ 5 ປີຂ້າງໜ້າ, ມູນຄ່າຜະລິດຕະພັນຂອງຊອຟແວຈີນຈະເພີ່ມຂຶ້ນລື່ນກາຍ 30% ຕໍ່ປີ.
|
|
|
