|
|
 |
| (GMT+08:00)
2006-06-26 18:35:28
|
 |
|
ຜະລິດຕະພັນທີ່ໄດ້ຮັບການຮັບຮອງເປັນອາຫານປອດສານເຄມີຂອງຈີນໄດ້ມີເກືອບໝື່ນຊະນິດແລ້ວ
cri
Author: mo
ຕາມຂ່າວສານຊີນຮວາ: ຍອດຈຳນວນວິສາຫະກິດທີ່ຜະລິດອາຫານປອດສານເຄມີຢູ່ຈີນໃນປະຈຸບັນໄດ້ມີເກືອບ 3700 ຫຼັງ, ຜະລິດຕະພັນທີ່ໄດ້ຮັບການຮັບຮອງເປັນອາຫານປອດສານເຄມີມີເກືອບໝື່ນຊະນິດແລ້ວ.
ອາຫານປອດສານເຄມີໝາຍເຖິງຜະລິດຕະພັນກະສິກຳແລະຜະລິດຕະພັນປຸງແຕ່ງທີ່ກິນໄດ້ຜະລິດດ້ວຍເຕັກນິກມາດຖານທີ່ກຳນົດ ບ່ອນຜະລິດສະອາດ, ຄວບຄຸມຄຸນນະພາບຕະຫຼອດໄລຍະການຜະລິດ, ບໍ່ມີສິ່ງແປດເປື້ອນ, ປອດໄພ, ແລະຄຸນນະພາບດີ. ຫວ່າງມໍ່ໆນີ້, ໃນເວລາເຂົ້າຮ່ວມເວທີປາໄສທີ່ກ່ຽວຂ້ອງຢູ່ເມືອງຮາບິນ ພາກຕາເວັນອອກສຽງເໜືອຂອງຈີນ, ເຈົ້າໜ້າທີ່ກະຊວງກະສິກຳຈີນແນະນຳວ່າ, ຈີນໃຊ້ກົນໄກທີ່ລັດຖະບານຊຸກຍູ້ກັບຕະຫຼາດຊັກຈູງປະສານກັນມາພັດທະນາອາຫານປອດສານເຄມີ, ເອົາໃຈໃສ່ຄຸນນະພາບແລະທາດບຳລຸງຂອງອາຫານ. ອາຫານປອດສານເຄມີສ່ວນຫຼາຍສົ່ງປ້ອນຕະຫຼາດຢູ່ໃນຕົວເມືອງໃຫຍ່ແລະເມືອງຜ້ານກາງພາຍໃນປະເທດຈີນແລະຕະຫຼາດສາກົນ, ມາດຖານຄວາມປອດໄພດ້ານຄຸນນະພາບໄດ້ບັນລຸລະດັບກ້າວໜ້າຂອງປະເທດພັດທະນາ.
|
|
|
