|
|
 |
| (GMT+08:00)
2006-06-26 19:01:11
|
 |
|
ຈີນພວມລົງມືວາງແຜນກໍ່ສ້າງເຂດທ່ອງທ່ຽວແຄມທາງລົດໄຟຊິງໄຫຕິເບດ
cri
Author: mo
ຕາມຂ່າວສານຊິນຮວາ:ທາງລົດໄຟຊິງໄຫຕິເບດຂອງຈີນຈະແລ່ນລົດໄດ້ໃນໝົດສາຍໃນໄວນີ້,ພາກສ່ວນຕ່າງໆ ຄືກົມທ່ອງທ່ຽວແຫ່ງຊາດຈີນພວມລົງມືວາງແຜນພັດທະນາການທ່ອງທ່ຽວແຄມທາງລົດໄຟຊິງໄຫຕິເບດ, ຈະວາງອອກຢ່າງເປັນທາງການແລະເລີ່ມປະຕິບັດພາຍໃນປີນີ້.
ທາງລົດໄຟຊິງໄຫຕິເບດເນັ່ງຈາກເມືອງຊີ່ນິງແຂວງຊິ່ງໄຫ,ທິດຕາເວັນຕົກໄປຮອດເມືອງລາຊາຂອງເຂດຕິເບດປົກຄອງຕົນເອງ,ຢູ່ແຄມທາງລົດໄຟມີຊັບພະຍາກອນທ່ອງທ່ຽວອັນອຸດົມສົມບູນ,ຄືທິວທັດທຳມະຊາດຕ່າງໆເຊັ່ນໜອງຊິງໄຫເປັນຕົ້ນ,ກໍມີວັງບູຕາລາ ແລະວັດຕາເອີທີ່ໂຮມສູນສະເໜດ້ານສາສະໜາ ສິລະປັດແລະສະຖາປະຕະຍະກຳ,ພ້ອມດ້ວຍສັດປ່າສະ ຫງວນອັນລ້ຳຄ່າຊະນິດຕ່າງໆ.
ກົມທ່ອງທ່ຽວແຫ່ງຊາດຈີນກ່າວເນັ້ນວ່າ,ໃນເວລາວາງແຜນການພັດທະນາທ່ອງທ່ຽວແຄມທາງລົດໄຟຊິງໄຫຕິເບດ,ຈະເອົາໃຈໃສ່ນຳການເສີມສ້າງສະຕິອະນຸລັກສິ່ງແວດລ້ອມ, ຊຳລະການພົວພັນລະຫວ່າງການພັດທະນາການທ່ອງທ່ຽວກັບການອະນຸລັກຊີວະພາບໃຫ້ດີ.
ພະແນກທ່ອງທ່ຽວເຂດຕິເບດປົກຄອງຕົນເອງຄາດຄະເນວ່າ,ພາຍຫຼັງທາງລົດໄຟຊິງໄຫຕິເບດເລີ່ມແລ່ນລົດໃນວັນທີ1ກໍລະກົດປີ2006ແລ້ວ,ຜູ້ໄປທ່ຽວເຂດຕິເບດຈະເພີ່ມຂຶ້ນ4ແສນຄົນໃນໝົດປີ.
ນອກນີ້ຂ່າວແຈ້ງວ່າ,ພາກສ່ວນອຸຕຸນິຍົມຂອງຈີນຈະເປີດການບໍລິການດ້ານອາກາດເພື່ອຮັບປະກັນທາງລົດໄຟຊິງໄຫຕິເບດໃນໄວໆນີ້,ຄືຈະພະຍາກອນຢ່າງຖືກຕ້ອງຕໍ່ອາກາດຮ້າຍແຮງທີ່ອາດຈະກະທົບກະເທືອນເຖິງລົດໄຟແລ່ນ.
|
|
|
