|
ທ່ານເຈຍຊິງລິນເວົ້າວ່າ,ຄອງຄອຍສຳຜັດການພັດທະນາໃໝ່ແລະການປ່ຽນແປງໃໝ່ຂອງຮົງກົງ
cri
Author: da
ຕາມຂ່າວCRI:ວັນທີ 27 ມິຖຸນາ,ທ່ານເຈຍຊິງລິນ ປະທານສະພາປຶກສາການເມືອງແຫ່ງຊາດຈີນໄດ້ເດີນທາງໄປຮອດຮົງກົງ,ເຂົ້າຮ່ວມການເຄື່ອນໄຫວລະລຶກການເຊັນເອກະສານ"CEPA"ຄົບຮອບ 3 ປີ.ໃນເວລາໃຫ້ສຳພາດຕໍ່ນັກຂ່າວ,ທ່ານເຈຍຊິງລິນເວົ້າວ່າ,ການມາຢ້ຽມຢາມເທື່ອນີ້ຄົງຈະໄດ້ສຳຜັດການພັດທະນາໃໝ່ແລະການປ່ຽນແປງໃໝ່ຂອງຮົງກົງ.
ທ່ານເຈຍຊິງລິນເວົ້າວ່າ,ໃນໄລຍະຢູ່ຮົງກົງ ທ່ານຈະທຳການແລກປ່ຽນກັບບຸກຄົນວົງການຕ່າງໆຂອງຮົງກົງ,ຄົ້ນຄວ້າບັນຫາຮ່ວມມືທາງເສດຖະກິດການຄ້າລະຫວ່າງເຂດໃນກັບຮົງກົງມາກາວ,ຊຸກຍູ້ໃຫ້ພັດທະນາເສດຖະກິດຂອງເຂດໃນແລະຮົງກົງມາກາວພັດທະນາຈະເລີນຮຸ່ງເຮືອງແລະຕ່າງໄດ້ຮັບຜົນປະໂຫຍດທັງສອງຝ່າຍ.
ນອກນີ້ຂ່າວແຈ້ງວ່າ,ມື້ດຽວກັນ ສື່ມວນຊົນຮົງກົງໄດ້ພາກັນປະກາດບົດວິຈານ,ສະແດງຄວາມຊົມເຊີຍຢ່າງສຸດອົກສຸດໃຈຕໍ່ທ່ານເຈຍຊິງລິນຢ້ຽມຢາມຮົງກົງ.ສື່ມວນຊົນຮົງກົງກ່າວວ່າ,ທ່ານເຈຍຊິງລີນຢ້ຽມຢາມຮົງກົງເທື່ອນີ້ມີຄວາມໝາຍສຳຄັນຕໍ່ການເພີ່ມທະວີການແລກປ່ຽນລະຫວ່າງສູນກາງກັບວົງການຕ່າງໆຂອງຮົງກົງ,ຊຸກຍູ້ໃຫ້ສັງຄົມຮົງກົງກົມກຽວກັນ.
CEPAໂຕຫຍໍ້ຂອງພາສາອັງກິດທີ່ມີຄວາມໝາຍວ່າ"ການຈັດວາງການພົວພັນເສດຖະກິດການຄ້າລະຫວ່າງເຂດໃນກັບຮົງກົງໃຫ້ແໜ້ນແຟ້ນກວ່າເກົ່າ". CEPA ໄດ້ເຊັນກັນເມື່ອວັນທີ 29 ມິຖຸນາປີ 2003,ແລະປະຕິບັດຢ່າງເປັນທາງການໃນວັນທີ 1 ມັງກອນປີ 2004.
|
|
