|
|
 |
| (GMT+08:00)
2006-06-27 21:20:01
|
 |
|
ທ່ານຫູຈິນທາວເຈລະຈາກັບທ່ານຈູມມະລີ ໄຊຍະສອນ
cri
Author: da
ຕາມຂ່າວCRI:ຕອນບ່າຍວັນທີ 27 ມິຖຸນາ ຢູ່ຫໍສະພາປະຊາຊົນທີ່ປັກກິ່ງ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ຈັດການເຈລະຈາກັບທ່ານຈູມມະລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດລາວ.ສອງຝ່າຍໄດ້ຕີລາຄາສູງຕໍ່ການພົວພັນລະຫວ່າງສອງພັກລັດຈີນລາວ,ທັງເປັນເອກະສັນກັນເຫັນດີສືບຕໍ່ພາລະກິດຂອງຄົນຮຸ່ນກ່ອນ,ເກາະແຂນກັນທຳຄວາມພະຍາຍາມເຮັດວຽກຕົວຈິງໃຫ້ຫຼາຍ,ເຮັດໃຫ້ການຮ່ວມມືກັນລົງສູ່ລວງເລິກ,ຊຸກຍູ້ການພົວພັນຮ່ວມມືດ້ວຍໄມຕີຈິດຮອບດ້ານລະຫວ່າງສອງພັກແລະສອງລັດກ້າວຂຶ້ນສູ່ລະດັບສູງ.
ທ່ານຫູຈິນທາວແລະທ່ານຈູມມະລີ ໄຊຍະສອນຕ່າງໄດ້ແຈ້ງສະພາບພາຍໃນປະເທດຂອງໃຜລາວໃຫ້ກັນຊາບ.ທ່ານຫູຈິນທາວເວົ້າວ່າ,ພັກ ລັດຖະບານແລະປະຊາຊົນຈີນຮູ້ສຶກປິຕິຊົມຊື່ນຢ່າງຈິງໃຈຕໍ່ຜົນສຳເລັດທີ່ພັກ ລັດຖະບານແລະປະຊາຊົນລາວໄດ້ຮັບໃນທຸກດ້ານ.ພວກຂ້າພະເຈົ້າສະໜັບສະໜູນລາວຍຶດໝັ້ນທິດພັດທະນາສັງຄົມນິຍົມແລະເສັ້ນທາງປ່ຽນແປງໃໝ່ແລະໄຂປະຕູສູ່ໂລກພາຍນອກ,ສະໜັບສະໜູນຄວາມພະຍາຍາມຂອງລາວເພື່ອພັດທະນາເສດຖະກິດແລະປົກປັກຮັກສາສະຖຽນລະພາບຂອງສັງຄົມ.ພວກຂ້າພະເຈົ້າເຊື່ອວ່າ,ພາຍໃຕ້ການນຳພາຂອງພັກປະຊາຊົນປະຕິວັດລາວ,ລັດຖະບານແລະປະຊາຊົນລາວຍ່ອມຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າໃນການສ້າງສາປະເທດຊາດແລະໃນພາລະກິດປ່ຽນແປງໃໝ່ໄຂປະຕູສູ່ໂລກພາຍນອກ.
ທ່ານຈູມມະລີ ໄຊຍະສອນເວົ້າວ່າ,ລາວຈີນມີຄວາມສາມັກຄີແລະມິດຕະພາບອັນມີມູນເຊື້ອ.ໃນ 30 ກວ່າປີແຕ່ສ້າງຕັ້ງປະເທດມານີ້,ລາວໄດ້ຮັບການສະໜັບສະໜູນຊ່ອຍເຫຼືອຢ່າງບໍ່ເຫັນແກ່ຕົວຈາກພັກແລະລັດຖະບານຈີນຕະຫຼອດມາ.ຝ່າຍລາວຂໍສະແດງຄວາມຂອບອົກຂອບໃຈຕໍ່ເລື່ອງນີ້.ຝ່າຍລາວຮູ້ສຶກປິຕິຊົມຊື່ນເປັນຢ່າງຍິ່ງທີ່ໄດ້ເຫັນການພົວພັນມິດຕະພາບແລະຮ່ວມມືກັນລະຫວ່າງສອງພັກ ສອງລັດໄດ້ເປີດກວ້າງແລະຂະຫຍາຍຕົວລົງສູ່ລວງເລິກຢ່າງບໍ່ຂາດສາຍໃນໄລຍະໃໝ່.ພັກແລະລັດຖະບານລາວໄດ້ແລະຈະຖືພັກແລະລັດຖະບານຈີນເປັນເພື່ອນທີ່ໄວ້ໃຈໄດ້ ແລະເປັນສະຫາຍທີ່ມີອຸດົມການຮ່ວມກັນຈົນເທົ່າໃດໆ,ຫວັງພ້ອມກັນກັບຝ່າຍຈີນທຳຄວາມພະຍາຍາມ ພ້ອມກັນຊຸກຍູ້ໃຫ້ການພົວພັນຮ່ວມມືຮອບດ້ານລະຫວ່າງລາວຈີນຂະຫຍາຍຕົວລົງສູ່ລວງເລິກແລະໄດ້ຮັບຜົນສຳເລັດໃໝ່ໃຫຍ່ຫຼວງກວ່າເກົ່າ ເພື່ອສ້າງຄວາມສຸກໃຫ້ປະຊາຊົນສອງຊາດ,ປະກອບສ່ວນໃໝ່ເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
|
|
|
