|
ບົດລາຍງານວຽກງານກວດກາບັນຊີຂອງການປະຕິບັດງົບປະມານສູນກາງສົກປີ 2005 ໄດ້ນຳສະເໜີໃຫ້ອົງການອຳນາດລັດສຳຫຼວດພິຈາລະນາ
cri
Author: mo
ຕາມຂ່າວCRI: ວັນທີ 27 ມິຖຸນາຢູ່ທີ່ປັກກິ່ງ, ຄະນະປະຈຳສະພາປະຊາຊົນແຫ່ງຊາດຈີນໄດ້ຮັບຟັງບົດລາຍງານວຽກງານກວດກາບັນຊີຂອງທ່ານລີຈິ່ນຮວາ ຫົວໜ້າກົມກວດກາບັນຊີແຫ່ງຊາດກ່ຽວກັບການປະຕິບັດງົບປະມານສູນກາງສົກປີ 2005. ທ່ານລີຈິ່ນຮວາເວົ້າວ່າ, ເມື່ອສັງເກດຈາກຜົນການກວດກາແລ້ວເຫັນວ່າ, ເວົ້າລວມແລ້ວ, ສະພາບປະຕິບັດງົບປະມານສູນກາງໃນປີ 2005 ແມ່ນດີສົມຄວນ.
ບົດລາຍງານຂຽນວ່າ, ວຽກງານທີ່ກວດກາໃນສົກປີ 2005 ລວມມີສະພາບປະຕິບັດງົບປະມານຂອງພາກສ່ວນສຳຄັນຂອງລັດຖະບານ, ລາຍຮັບລາຍຈ່າຍດ້ານການເງິນຂອງຫົວໜ່ວຍທີ່ຖືກກວດກາບັນຊີ, ແລະສະພາບໃຊ້ທຶນຈຳເພາະໃນການອະນຸລັກສິ່ງແວດລ້ອມຕາມທາງລົດໄຟຊິງຫາຍຕິເບດ, ການຮ່ວມມືປິ່ນປົວຢູ່ຊົນນະບົດເປັນຕົ້ນ. ໃນການກວດກາບັນຊີໄດ້ປະກົດເຫັນບັນຫາຕ່າງໆເຊັ່ນ: ແຈ້ງງົບປະມານເກີນຈຳນວນ, ຍັກຍອກເງິນທຶນ, ທຶນຈຳເພາະບໍ່ທັນນຳໃຊ້, ແລະຊັບສິນດ້ອຍຄຸນນະພາບຈັດການບໍ່ຖືກຕ້ອງເປັນຕົ້ນ. ຕໍ່ບັນຫາດັ່ງກ່າວ, ກົມກວດກາບັນຊີໄດ້ຈັດການແກ້ໄຂດ້ວຍວິທີຕ່າງໆເຊັ່ນຮິບເອົາທຶນທີ່ລະເມີດກົດໝາຍ, ແລະມອບໃຫ້ຂະແໜງການກວດກາດ້ານຕຸລາການເປັນຕົ້ນ. ບົດລາຍງານກ່າວເນັ້ນວ່າ, ຫຼາຍບັນຫາທີ່ປະກົດເຫັນໃນການກວດກາບັນຊີພວມໄດ້ຮັບການປັບປຸງແກ້ໄຂຢ່າງຕັ້ງໜ້າ.
|
|
