|
ທ່ານເຈຍຊິ້ງລິນກ່າວວ່າ,ການຮັກສາຈະເລິນຮຸ່ງເຮຶອງແລະສະຖຽນລະພາບຍາວນານຂອງຮົງກົງແລະມາກາວແມ່ນຈຸດເລີ່ມຂອງທິດທາງນະໂຍບາຍຂອງລັດຖະບານກາງແນໃສ່ຮົງກົງແລະມາກາວ
cri
ຕາມຂ່າວCRI,ວັນທີ29ມິຖຸນາຢູ່ທີ່ຮົງກົງ,ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ,ການຮັກສາແລະຊຸກຍູ້ຄວາມຈະເລີນຮຸ່ງເຮືອງແລະສະຖຽນລະພາບຍາວນານຂອງຮົງກົງແລະມາກາວແມ່ນຈຸດເລີ່ມແລະພຶ້ນຖານຂອງທິດທາງນະໂຍບາຍຂອງລັດຖະບານກາງແນໃສ່ຮົງກົງແລະມາກາວ;ນະໂຍບາຍແລະມາດຕະການທຸກລາຍກ່ຽວກັບຮົງກົງແລະມາກາວທີ່ລັດ ຖະບານກາງວາງອອກນັ້ນລ້ວນແຕ່ແມ່ນເພື່ອໃຫ້ຮົງກົງແລະມາກາວພັດທະນາ ດີກວ່າເກົ່າ.
ທ່ານເຈຍຊິ້ງລິນແມ່ນໃຫ້ທັດສະນະດັ່ງກ່າວໃນເວລາກ່າວຄຳປາໄສໃນເວທີປາໄສພັດທະນາການຮ່ວມມືເສດຖະກິດການຄ້າລະຫວ່າງເຂດໃນກັບຮົງກົງແລະມາກາວ.
ທ່ານເຈຍຊິ້ງລິນເວົ້າວ່າ,ເດືອນມີນາປີນີ້,ສະພາປະຊາຊົນແຫ່ງຊາດຈີນໄດ້ຜ່ານຮັບຮອງໂຄງຮ່າງແຜນການຫ້າປີຄັ້ງທີ11ກ່ຽວກັບການພັດທະນາເສດຖະກິດແຫ່ງຊາດແລະສັງຄົມ,ໄດ້ຈັດເອົາຮົງກົງແລະມາກາວເຂົ້າໃນແຜນການພັດທະນາລວມຂອງຊາດຢ່າງຈະແຈ້ງ,ໄດ້ສະແດງໃຫ້ເຫັນຢ່າງເຕັມສ່ວນເຖິງການເອົາໃຈໃສ່ນຳແລະການສະໜັບສະໜູນຂອງລັດຖະບານກາງຕໍ່ຮົງກົງແລະມາກາວ,ກໍໄດ້ສ່ອງແສງເຖິງຖານະສຳຄັນຂອງຮົງກົງແລະມາກາວໃນຍຸດທະສາດ ພັດທະນາແຫ່ງຊາດ.
ທ່ານເຈຍຊິ້ງລີນກ່າວລື້ມວ່າ,ລັດຖະບານກາງຈະຍຶດໝັ້ນທິດທາງ ປະເທດດຽວສອງລະບອບຊາວຮົງກົງປົກຄອງຮົງກົງ ຊາວມາກາວປົກຄອງມາກາວ ປົກຄອງຕົນເອງໃນລະດັບສູງແລະກົດໝາຍພື້ນຖານຢ່າງບໍ່ຫວັ່ນໄຫວຄອນແຄນ,ເດັດດ່ຽວສະໜັບສະໜູນຜູ້ວ່າການເຂດບໍລິຫານພິເສດແລະອົງການປົກຄອງເຂດພິເສດທັງສອງປົກຄອງຕາມກົດໝາຍ,ເດັດດ່ຽວເພີ່ມທະວີແລະຊຸກຍູ້ການແລກປ່ຽນແລະການຮ່ວມມືລະຫວ່າງເຂດໃນກັບຮົງກົງແລະມາກາວ.
|
|
