|
|
 |
| (GMT+08:00)
2006-06-29 15:03:31
|
 |
|
ລົມການອອກຢາສູບ(ສຽງ)
cri
Author: shuo
|
ການຄົ້ນຄວ້າວິທະຍາສາດສະແດງໃຫ້ເຫັນວ່າ,ໃນເວລາໄໝ້,ໃບຢາຈະເກີດວັດຖຸທີ່ມີຜົນຮ້າຍ4ພັນກວ່າຊະນິດ,ອາດຈະເຮັດໃຫ້ຄົນຕິດພະຍາດຕ່າງໆ ເຊັ່ນໂລກມະເຮັງ ໂລກ ສາຍເລືອດຫົວໃຈແລະກະດູກຜ່ອຍເປັນຕົ້ນ,ແຕ່ລະປີໃນທົ່ວໂລກມີເກືອບ5ລ້ານຄົນຕາຍຍ້ອນພະຍາດທີ່ກ່ຽວພັນເຖິງໃບຢາ.ຫຼາຍຄົນທີ່ແງ້ນຢາລ້ວນແຕ່ຫວັງໃຫ້ຕົນເອງອອກຢາໄດ້,ແຕ່ຜູ້ທີ່ເຮັດໄດ້ຢ່າງແທ້ຈິງພັດມີໜ້ອຍ.ຄັນຊັ້ນ,ການອອກຢາມີວິທີທີ່ດີບໍ່?ໃນລາຍການສວນວິທະຍາ ສາດແລະການສຶກສາພາກນີ້,ຈັນນະພາຈະລົມເລື່ອງອອກຢາກັບທ່ານ.
ປະຈຸບັນນີ້,ໃນທົ່ວໂລກມີຜູ້ສູບຢາ1ຕື້100ລ້ານຄົນ,ໃນນັ້ນມີເຄິ່ງໜຶ່ງຂຶ້ນໄປຫວັງຢາກອອກຢາ.ຄັນຊັ້ນ,ຂໍກະແຈຂອງການອອກຢາແມ່ນຫຍັງ?ທ່ານນາງຢາງກົ່ງຮ້ວນ ຮອງຫົວໜ້າສູນປ້ອງກັນຄວບຄຸມພະຍາດຂອງຈີນ ຜູ້ຊ່ຽວຊານດ້ານສາທາລະນະສຸກທີ່ມີຊື່ສຽງເວົ້າວ່າ:"ກ່ອນອື່ນ,ຜູ້ຢາກອອກຢາຕ້ອງມີຄວາມຕັດສິນໃຈ,ຄວາມຕັດສິນໃຈດັ່ງກ່າວຫວັງໃຫ້ໄດ້ ຮັບການສະໜັບສະໜູນຈາກຄົນອ້ອມຂ້າງ,ເວົ້າສຳລັບສັງຄົມແລ້ວ,ຖ້າມີບັນຍາກາດ,ການອອກຢາກໍງ່າຍກວ່າເກົ່າ.ແນ່ນອນແລ້ວ,ຕໍ່ຄົນທີ່ແງ້ນຢາຢ່າງຮ້າຍແຮງທີ່ສຸດ,ບາງທີກໍຕ້ອງ ກິນຢາປົວພະຍາດ.ສະນັ້ນ,ເວົ້າລວມແລ້ວມີສາມຂໍ້ ຄື ການອອກຢາຕ້ອງມີຄວາມຕັດສິນໃຈ ຕ້ອງມີສະພາບແວດລ້ອມແລະຕ້ອງມີການສະໜັບສະໜູນຂອງຢາປິ່ນປົວ."
ກໍຄືທ່ານນາງຢາງກົ່ງຮ້ວນເວົ້ານັ້ນ,ຄວາມຕັດສິນໃຈ ສະພາບແວດລ້ອມແລະການສະໜັບ ສະໜູນຂອງຢາປິ່ນປົວແມ່ນຂໍກະແຈສາມຂໍ້ຂອງການອອກຢາ.ຄັນຊັ້ນ,ກ່ອນອື່ນ,ພວກເຮົາຈຶ່ງມາລົມຄວາມຕັດສິນໃຈກ່ອນ.ຖ້າຢາກມີຄວາມຕັດສິນໃຈອັນເດັດດ່ຽວ,ກ່ອນອື່ນ, ຕ້ອງຮັບຮູ້ວ່າ ການສູບຢາເປັນໂທດຫຼາຍຕໍ່ສຸຂະພາບຢ່າງແທ້ຈິງ,ແລະກໍຕ້ອງຮັບຮູ້ວ່າການສູບຢາແມ່ນການກະທຳທີ່ບໍ່ຈົບງາມ.ໃນເວລາໃຫ້ສຳພາດ,ທ່ານນາງລີ້ກຸ້ຍເຈິ່ນ ໄທເມືອງປັກກິ່ງເວົ້າວ່າ: "ເຖົ້າແລ້ວ,ສູບຢາບໍ່ມີຜົນດີ.ໃນເວລາຂ້າພະເຈົ້າໄອ,ມັກຄາກຂີ້ກະເທີ່ສີດຳ."
ກໍມີໄທເມືອງປັກກິ່ງບາງຄົນບອກນັກຂ່າວວ່າ,ໃນເວລາສູບຢາ,ພວກເຂົາເຈົ້າມີຂີ້ກະເທີ່ຫຼາ ຍທີ່ສຸດ,ມັກໄອ,ແລະບໍ່ສະບາຍ.
ທ່ານຜູ້ຟັງ,ຖ້າທ່ານຍັງບໍ່ທັນຮັບຮູ້ເຖິງຜົນຮ້າຍຂອງການສູບຢາ,ທ່ານກໍຄວນຊອກຮູ້ຄວາມຮູ້ປຽບທຽບທີ່ກ່ຽວຂ້ອງຫຼາຍກວ່າເກົ່າ.
ບາງຄົນເວົ້າວ່າ,ເມື່ອຈຳນວນແມ່ພະຍາດທີ່ມີຊີວິດໃນປາກຂອງຜູ້ສູບຢາແລະຜູ້ບໍ່ສູບຢາແລ້ວເຫັນວ່າ,ໃນປາກຂອງຜູ້ສູບປາໜ້ອຍກວ່າຜູ້ບໍ່ສູບຢາຫຼາຍສິບເທົ່າຈົນຮອດຫຼາຍຮ້ອຍເທົ່າ,ຍັງມີຄົນເວົ້າວ່າ,ໃນເວລາທ່ານນາໂປລີອົງນຳພາກອງທັບເດີນຜ່ານເຂດທີ່ມີພະຍາດແຜ່ລະບາດ,ຜູ້ສູບຢາໄດ້ລອດຕາຍໝົດ,ແຕ່ຜູ້ບໍ່ສູບຢາພັດຕາຍໝົດ;ຍັງມີຄົນເວົ້າວ່າ,ຜູ້ສູບຢາຫຼັງຈາກອອກຢາແລ້ວຈະເປັນພະຍາດ.
ຄຳເວົ້າອັນຜິດພາດຕ່າງໆນາໆທີ່ກ່າວມາຂ້າງເທິງນີ້ອາດຈະເຮັດໃຫ້ຄວາມຕັດສິນໃຈອອກຢາຂອງບາງຄົນຫວັ່ນໄຫວຄອນແຄນ,ສະນັ້ນ,ການຮັບຮູ້ຄວາມຮູ້ທີ່ກ່ຽວຂ້ອງແມ່ນເລື່ອງຈຳເປັນທີ່ສຸດ.ທີ່ຈິງແລ້ວ,ການທົດລອງວິທະຍາສາດຈຳນວນຫຼວງຫຼາຍໄດ້ພິສູດໃຫ້ເຫັນວ່າ,ການສູບຢາບໍ່ມີຜົນດີຈັກເມັດ ມີແຕ່ຜົນຮ້າຍຕໍ່ສຸຂະພາບຂອງຄົນເຮົາ;ບໍ່ວ່າທ່ານອາຍຸແດ່ສ່ຳໃດ,ໄດ້ສູບຢາດົນປານໃດແລ້ວ,ການອອກຢາລ້ວນແຕ່ຈະດີກວ່າການສູບຢາຕໍ່ໄປ;ຫຼັງຈາກອອກຢາແລ້ວ,ອາດຈະບໍ່ລື້ງປານໃດໃນໄລຍະສັ້ນ,ແຕ່ບໍ່ຫ່ອນຊິພາໃຫ້ເປັນພະ ຍາດຢ່າງເດັດຂາດ.
ເມື່ອໄດ້ມີຄວາມຕັດສິນໃຈອັນເດັດດ່ຽວແລ້ວ,ສະພາບແວດລ້ອມທີ່ເໝາະສຳລັບການອອກຢານັ້ນກໍສຳຄັນທີ່ສຸດ.ສະພາບແວດລ້ອມນີ້ລວມທັງສະພາບແວດລ້ອມໃຫຍ່ຂອງສັງຄົມແລະສະພາບແວດລ້ອມນ້ອຍຢູ່ອ້ອມຂ້າງ,ສ່ວນສິ່ງທີ່ຕ້ອງປົວແປງໃຫ້ດີກ່ອນນັ້ນແມ່ນສະພາບແວດລ້ອມໃຫຍ່ຂອງສັງຄົມ.
ປະຈຸບັນນີ້,ໃນທົ່ວໂລກມີ190ກວ່າປະເທດໄດ້ເຂົ້າຮ່ວມສົນທິສັນຍາຂອບຄວບຄຸມໃບຢາ,ການໂຄສະນາໃບຢາບໍ່ອະນຸຍາດໃຫ້ປະກົດຕົວຢູ່ສື່ມວນຊົນສາທາລະນະແລ້ວ,ປະເທດຕ່າງໆໄດ້ປະກາດໃຊ້ກົດໝາຍກົດບັນຍັດເກືອດຫ້າມຢາສູບນັບມື້ນັບຫຼາຍ,ສະພາບແວດລ້ອມໃຫຍ່ທີ່ມີຜົນດີຕໍ່ການເກືອດຫ້າມຢາສູບນັ້ນກຳລັງເປັນຮູບເປັນຮ່າງຂຶ້ນ.
ນອກຈາກສະພາບແວດລ້ອມໃຫຍ່ໃນສັງຄົມແລ້ວ,ການສ້າງສະພາບແວດລ້ອມນ້ອຍທີ່ສະໜັບສະໜູນຕົນເອງນອອກຢານັ້ນກໍ່ສຳຄັນຫຼາຍ.ບອກຍາດພີ່ນ້ອງ ເພື່ອນໃກ້ເຮືອນແລະໝູ່ເພື່ອນຊາບວ່າຕົນເອງພວມອອກຢາ,ຫວັງໃຫ້ໄດ້ຮັບການສະໜັບສະໜູນຈາກພວກເຂົາເຈົ້າ.ພ້ອມກັນນັ້ນກໍ່ສາມາດໄປຫາເພື່ອນທີ່ພວມອອກຢາ,ເພື່ອພ້ອມກັນ ອອກຢາ,ຕ່າງສະໜັບສະໜູນກັນ,ເຮັດແນວນີ້,ການອອກຢາສູບຈະງ່າຍກວ່າ.
ເວົ້າສຳລັບຜູ້ທີ່ແງ້ນຢາໜັກແລ້ວ,ໃນເວລາອອກຢາຍັງຄວນກິນຢາປົວພະຍາດມາຊ່ອຍ.ຢຸກຢາເຫຼົ່ານີ້ສາມາດບັນເທົາອາການເສົ້າໝອງ ໝຸດໝັດແລະເຈັບຫົວເປັນຕົ້ນ ຂອງຜູ່ສູບຢາຫຼັງຈາກອອກຢາ,ເວົ້າສຳລັບຜູ້ທີ່ແງ້ນຢາໜັກແລະມີອາການຮຸນແຮງຫຼັງ ຈາກອອກຢາສູບນັ້ນແລ້ວ,ມີຜົນດີທີ່ສຸດ.
ປັດຈຸບັນ,ທຳມະດາແລ້ວ,ຢຸກຢາທີ່ຊ່ອຍອອກຢາອາດແບ່ງເປັນ3ຊະນິດ.ໃນນັ້ນໃຊ້ທົ່ວໄປແລະເຫັນເລື່ອຍໆກໍແມ່ນຊີງໂກມ,ຈຸດດີຂອງມັນແມ່ນສາມາດຫຼຸດຜ່ອນຄວາມຢາກຂອງຜູ້ອອກຢາຕໍ່ໃບຢາຢ່າງໄວວາ,ທັງສະດວກ.ຢຸກຢາອີກຊະນິດໜຶ່ງແມ່ນຢາອົມ ຫຼືຢາຕິດທີ່ມີນີໂກຕິນ.ນີໂກຕິນໃນຢາສູບມີແຕ່ເຮັດໃຫ້ຄົນຢາກສູບຢາຢ່າງຕໍ່ເນື່ອງເທົ່ານັ້ນ,ທຳມະດາແລ້ວ,ມັນບໍ່ຫ່ອນຈະພາໃຫ້ເປັນພະຍາດ,ສະນັ້ນ,ຖ້າໃຊ້ຢຸກຢານີໂກຕິນທົດ ແທນຢາສູບເປັນກ້າວໆ,ທ່ານຈະຮູ້ສຶກສະບາຍອົກສະບາຍໃຈໂດຍທຽບຖານໃນກເວລາ ອອກຢາ.ຢຸກຢາຊະນິດທີສາມແມ່ນແວວບຸດຣິນ,ນີ້ແມ່ນຢຸກຢາໃໝ່ຊະນິດໜຶ່ງ,ມີບົດບາດ ຄ້າຍຄືກັບຢຸກຢານີໂກຕິນ.
ເມື່ອກີ້ນີ້,ຂ້າພະເຈົ້າໄດ້ແນະນຳຂໍກະແຈສາມຂໍ້ຂອງການອອກຢາ,ແຕ່ສິ່ງທີ່ຕ້ອງຕັກເຕືອນນັ້ນແມ່ນ,ຖ້າທ່ານໄດ້ເຊົາຢາສູບເປັນເວລາ6ເດືອນຂຶ້ນໄປແລ້ວ,ທ່ານຍັງຄົງຢູ່ໃນໄລຍະຮັກສາໝາກຜົນຢູ່,ຕ້ອງປ້ອງກັນບໍ່ສູບຢາຄືນໃໝ່.
ນາງລູ້ຊິ້ວເຊຍແມ່ນຄູຜູ່ໜຶ່ງ,ໄດ້ສູບຢາເປັນເວລາ30ປີແລ້ວ.ປີ2004,ນາງເລີ່ມ ອອກຢາ,ແຕ່ຫຼັງຈາກນັ້ນໜຶ່ງປີເທົ່ານັ້ນ,ນາງກໍເລີ່ມສູບຢາຄືນໃໝ່,ດຽວນີ້,ຢ່າງໜ້ອຍນາງຕ້ອງສູບຢາ4ກອກຕໍ່ມື້.ເມື່ອເວົ້າເຖິງການສູບຢາຄືນໃໝ່,ນາງເວົ້າວ່າ:"ພວກເຂົາເຈົ້າຖາມວ່າ,ເປັນຫຍັງເຈົ້າສູບຢາອີກແລ້ວ.ຂ້າພະເຈົ້າຕອບວ່າ,ໂອຍ,ໃນຊີວິດການເປັນຢູ່,ຂ້າພະ ເຈົ້າບໍ່ໄດ້ຕິດຫຍັງອື່ນທີ່ບໍ່ດີ,ມີແຕ່ມັກສູບຢາທໍ່ນັ້ນ.
ທີ່ຈິງແລ້ວ,ການສູບຢາຄືນໃໝ່ບໍ່ເປັນຕາຢ້ານ,ຢ່າຮູ້ສຶກເຈັບຊ້ຳແໜງໃຈ,ເກີ້ເຂີນ ເສົ້າໝອງຫຼືສົງໄສຄວາມສາມາດອອກຢາຂອງຕົນ.ນອກຈາກຄົນສ່ວນໜ້ອຍແລ້ວ,ຜູ້ ອອກຢາຈະສູບຄືນໜຶ່ງເທື່ອຂຶ້ນໄປຈຶ່ງສາມາດຍຶດໝັ້ນບໍ່ສູບຢາໃນຕະຫຼອດຊີວິດໄດ້.ຕາມສະຖິຕິ,ຄິດສະເລ່ວແລ້ວ,ຜູ້ອອກຢາຕ້ອງທົດລອງອອກຢາ7ເທື່ອແລ້ວ,ຈຶ່ງສາມາດອອກຢາສູບໃນຕະຫຼອດຊີວິດໄດ້.ພາຍຫຼັງສູບຢາຄືນໃໝ່ແລ້ວ,ຄວນສືບຕໍ່ຍຶດໝັ້ນຄວາມຕັດ ສິນໃຈທີ່ອອກຢາແລ້ວ,ອອກຢາຄືນໃໝ່ໂດຍໄວ.
|
|
|
