|
|
 |
| (GMT+08:00)
2006-06-29 20:29:10
|
|
ຝ່າຍຈີນຫວັງໃຫ້ບັນດາຝ່າຍພ້ອມກັນຊຸກຍູ້ໃຫ້ການເຈລະຈາ 6 ຝ່າຍຟື້ນຟູກອງປະຊຸມໂດຍໄວ
cri
Author: min
ຕາມຂ່າວ CRI: ວັນທີ 29 ມິຖຸນາ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນຈະຮັກສາການຕິດຕໍ່ພົວພັນຢ່າງໃກ້ຊິດກັບບັນດາຝ່າຍທີ່ກ່ຽວຂ້ອງຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ, ຫວັງໃຫ້ບັນດາຝ່າຍພ້ອມກັນຊຸກຍູ້ໃຫ້ການເຈລະຈາ 6 ຝ່າຍຟື້ນຟູກອງປະຊຸມຄືນໃໝ່ໂດຍໄວ.
ໃນເວລາຕອບຄຳຖາມຂອງນັກຂ່າວ, ທ່ານນາງຈ່ຽງອີເວົ້າວ່າ, ການເຈລະຈາ 6 ຝ່າຍບໍ່ສາມາດຟື້ນຟູກອງປະຊຸມໃນເວລາດົນນານນັ້ນ, ບໍ່ສອດຄ່ອງກັບຜົນປະໂຫຍດຂອງບັນດາຝ່າຍ, ກໍ່ບໍ່ມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກສຽງເໜືອ. ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງປະຕິບັດຕໍ່ບັນຫາຕ່າງໆທີ່ປະກົດຂຶ້ນໃນຂະບວນການເຈລະຈາດ້ວຍທ່າທີຄ່ອງແຄ້ວ, ພ້ອມກັນຊຸກຍູ້ໃຫ້ການເຈລະຈາຟື້ນຟູກອງປະຊຸມຄືນໃໝ່ໂດຍໄວແລະໄດ້ຮັບການຄືບໜ້າໃໝ່.
|
|
|
