|
ທ່ານຫູຈິນທາວກ່າວເນັ້ນວ່າ,ພັກກອມມູນິດຈີນຕ້ອງຍົກສູງຄວາມສາມາດກຳອຳນາດແລະລະດັບການນຳພາຢ່າງບໍ່ຢຸດຢັງ
cri
Author: da
ຕາມຂ່າວCRI: ຫວ່າງມໍ່ໆນີ້ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນກ່າວເນັ້ນວ່າ,ຕ້ອງຍຶດໝັ້ນການກຳອຳນາດຢ່າງວິທະຍາສາດ ປະຊາທິປະໄຕແລະຕາມກົດໝາຍ,ຍົກສູງຄວາມສາມາດກຳອຳນາດແລະລະດັບການນຳພາຢ່າງບໍ່ຢຸດຢັງ.
ທ່ານຫູຈິນທາວແມ່ນໃຫ້ທັດສະນະດັ່ງກ່າວໃນກອງປະຊຸມຮ່ຳຮຽນເປັນໝູ່ຄະນະທີ່ກົມການເມືອງສູນກາງພັກກອມມູນິດຈີນຈັດຂຶ້ນໃນຫວ່າງມໍ່ໆນີ້.ທ່ານເວົ້າວ່າ,ຕ້ອງວາງແລະປະຕິບັດທິດສະດີແລະແນວທາງທິດທາງຂອງພັກຢ່າງວິທະຍາສາດ,ພະຍາຍາມເຮັດໃຫ້ນະໂຍບາຍຕົກລົງ ໂດຍສະເພາະແມ່ນການຕົກລົງອັນສຳຄັນທີ່ກ່ຽວພັນກັບເສດຖະກິດແຫ່ງຊາດແລະຊີວິດການເປັນຢູ່ຂອງປະຊາຊົນໃຫ້ສອດຄ່ອງກັບກົດເກນພາວະວິໄສແລະກົດເກນວິທະຍາສາດ.ຕ້ອງຖືຜົນປະໂຫຍດກົກຮາກຂອງປະຊາຊົນອັນໄພສານກວ່າໝູ່ເປັນຈຸດເລີ່ມຕົ້ນແລະຈຸດຢືນຂອງວຽກງານທຸກຢ່າງ,ເຮັດເຖິງຂັ້ນການໃຊ້ສິດເພື່ອປະຊາຊົນ ຮັກແພງປະຊາຊົນແລະສະແຫວງຫາຜົນປະໂຫຍດໃຫ້ປະຊາຊົນ.ຕ້ອງປັບປຸງແລະເປີດກວ້າງປະຊາທິປະໄຕຢູ່ພາຍໃນພັກຢ່າງບໍ່ຢຸດຢັ້ງ,ເພີ່ມທະວີການຕິດຕາມກວດກາສິດອຳນາດ,ຮັບປະກັນການໃຊ້ສິດທີ່ປະຊາຊົນມອບໝາຍມານັ້ນ,ສະແຫວງຫາຜົນປະໂຫຍດຂອງປະຊາຊົນຢ່າງແທ້ຈິງ.
|
|
