|
ຕາມຂ່າວສານຊິນຮວາ:ວັນທີ4ກໍລະກົດ,ຢູ່ທີ່ປັກກິ່ງ,ທ່ານຊາວກ່າງຊ່ວນ ລົດຖະມົນຕີກະຊວງປ້ອງກັນປະເທດຈີນໄດ້ພົບປະທ່ານເອີງຢັດຊວງ ເສນາທິການໃຫຍ່ກອງທະຫານປະກອບອາວຸດສິງກະໂປທີ່ມາຢ້ຽມຢາມຈີນ.ທ່ານຊາວກ່າງຊ່ວນກ່າວວ່າ,ຝ່າຍຈີນເພິ່ງພໍໃຈຕໍ່ທ່ວງທ່າຂະຫຍາຍຕົວອັນດີງາມຂອງການພົວພັນລະຫວ່າງຈີນກັບສິງກະໂປ.
ທ່ານຊາວກ່າງຊ່ວນເວົ້າວ່າ,ແຕ່ຈີນກັບສິງກະໂປສ້າງສາຍສຳພັນທາງການທູດສິບກວ່າປີມານີ້,ຜູ້ນຳຊັ້ນສູງຂອງສອງປະເທດໄດ້ຢ້ຽມຢາມກັນຢ່າງເນື່ອງນິດ,ການຮ່ວມມືໃນຂົງເຂດເສດຖະກິດການຄ້າເປັນຕົ້ນໄດ້ຮັບປະສິດທິຜົນຢ່າງເດັ່ນຊັດ.ສອງປະເທດຍັງໄດ້ຕິດຕໍ່ພົວພັນກັນແລະປະສານງານກັນເປັນຢ່າງດີໃນວຽກງານສາກົນແລະພາກພື້ນ,ໂດຍສະເພາະແມ່ນໃນການຮ່ວມມືພາກພື້ນ.ຝ່າຍຈີນຍ້ອງຍໍລັດຖະບານສິງກະໂປທີ່ຍຶດໝັ້ນຫຼັກການຈີນດຽວ.ທ່ານຫວັງໃຫ້ສອງຝ່າຍຈົ່ງສືບຕໍ່ພະຍາຍາມ,ຊຸກຍູ້ການພົວພັນການທະຫານລະຫວ່າງສອງຊາດແລະສອງກອງທັບໃຫ້ຂະຫຍາຍຕົວ.
ທ່ານເອີງຢັດຊວງເວົ້າວ່າ,ກອງທະຫານປະກອບອາວຸດສິງກະໂປສຸດທີ່ເອົາໃຈໃສ່ນຳການຮ່ວມມືກັບກອງທັບປົດປ່ອຍປະຊາຊົນຈີນ,ຍິນດີຊຸກຍູ້ການພົວພັນລະຫວ່າງສອງຊາດແລະສອງກອງທັບໃຫ້ຂະຫຍາຍໄປສູ່ລະດັບສູງກວ່າເກົ່າ.ທ່ານກ່າວວ່າ,ສິງກະໂປເດັດດ່ຽວປະຕິບັດນະໂຍບາຍຈີນດຽວ,ຄັດຄາດ"ໄຕ້ຫວັນເປັນເອກະລາດ".
|
