|
ຜູ້ແທນຂອງ38ປະເທດແລະເຂດແຄວ້ນຈະເຕົ້າໂຮມກັນຢູ່ໃນກອງປະຊຸມສະຖາບັນຂົງຈື້ຄັ້ງປະຖົມມະເລີກ
cri
ຕາມຂ່າວສານຊີນຮວາ,ວັນທີ6ກໍລະກົດຢູ່ທີ່ປັກກິ່ງ,ຈີນຈະໄຂກອງປະຊຸມສະຖາບັນຂົງຈື້ຄັ້ງປະຖົມມະເລີກ.ຜູ້ແທນຂອງສະຖາບັນຂົງຈື້ແລະຫ້ອງຮຽນຂົງຈື້ຂອງ38ປະເທດແລະເຂດແຄວ້ນຈະເຕົ້າໂຮມກັນ,ພ້ອມກັນຊອກຄົ້ນຊ່ອງທາງເຜີຍແຜ່ພາສາແລະວັດທະນະທຳຂອງຈີນ.
ຕາມໄດ້ຊາບ,ກອງປະຊຸມຈະໄຂເປັນເວລາສອງມື້,ແມ່ນກອງປະຊຸມລະດັບໂລກຄັ້ງທຳອິດແຕ່ຈີນຕັ້ງສະຖາບັນຂົງຈື້ຢູ່ພົ້ນທະເລເປັນຕົ້ນມາ,ແຕ່ເທື່ອນີ້ເປັນຕົ້ນໄປມີແຜນຈະຈັດຂຶ້ນປີລະເທື່ອ.ຜູ້ແທນທັງຫຼາຍຈະຖືໂອກາດໄຂກອງປະຊຸມຄັ້ງນີ້,ແລກປ່ຽນບົດຮຽນດ້ານການຕັ້ງສະຖາບັນຂົງຈື້,ເຮັດໃຫ້ການໝູນເດີນແລະຄຸ້ມຄອງສະຖາບັນຂົງຈື້ເປັນແບບສະບັບກວ່າເກົ່າ,ຍິ່ງສອດຄ່ອງກັບຄວາມຕ້ອງການຕົວຈິງຂອງຜູ້ຮຽນພາສາຈີນຢູ່ແຫ່ງຕ່າງໆ.
ຫຼັງຈາກເຂົ້າສູ່ສະຕະວັນທີ21ແລ້ວ,ຢູ່ພົ້ນທະເລໄດ້ມີຄວາມກະຕືລືລົ້ນນັບມື້ນັບຫຼາຍໃນການຮຽນພາສາຈີນ,ນັບມາຮອດປັດຈຸບັນ,ຢູ່36ປະເທດແລະເຂດແຄວ້ນໄດ້ລົງມືສ້າງສະຖາບັນຂົງຈື້ແລະຫ້ອງຮຽນຂົງຈື້80ຫຼັງ.ສະຖິຕິສະແດງໃຫ້ເຫັນວ່າ,ຢູ່ພົ້ນທະເລ,ຜູ້ຮຽນພາສາຈີນດ້ວຍຮູບການຕ່າງໆໄດ້ລື່ນກາຍ30ລ້ານຄົນ.
|
|
