|
|
 |
| (GMT+08:00)
2006-07-08 18:04:22
|
 |
|
ດິນຊາຍອ້ອມຂ້າງນະຄອນປັກກິ່ງໄດ້ຫຼຸດລົງເກືອບ 1 ແສນ 6 ໝື່ນເຮັກຕາໃນ 5 ປີມານີ້
cri
Author: mo
ຕາມຂ່າວສານຊີນຮວາ: ໃນ 5 ປີທີ່ຜ່ານມາ, ເນື້ອທີ່ດິນຊາຍຢູ່ເຂດປົວແປງແຫຼ່ງພາຍຸດິນຊາຍຢູ່ປັກກິ່ງແລະທຽນສິນໄດ້ຫຼຸດໜ້ອຍລົງເກືອບ 1 ແສນ 6 ໝື່ນເຮັກຕາ, ດິນຊາຍຢູ່ໜ້າດິນທີ່ກະທົບເຖິງນະຄອນປັກກິ່ງໄດ້ຖືກສະກັດກັ້ນຢ່າງບັງເກີດຜົນ.
ຂ່າວດັ່ງກ່າວແມ່ນເຈົ້າໜ້າທີ່ກົມປ່າໄມ້ແຫ່ງຊາດຈີນເຜີຍໃຫ້ຮູ້.
ປີ 2002, ເພື່ອປົວແປງສິ່ງແວດລ້ອມຊີວະພາບຂອງນະຄອນຫຼວງປັກກິ່ງແລະນະຄອນທຽນສິນ ເມືອງໃຫຍ່ທີ່ຢູ່ມໍ່ປັກກິ່ງ, ຈີນໄດ້ເລີ່ມປະຕິບັດກິດຈະການປົວແປງແຫຼ່ງພາຍຸດິນຊາຍປັກກິ່ງທຽນສິນເປັນເວລາ 10 ປີ, ບໍລິເວນກ່ຽວພັນເຖິງເຂດສ່ວນໜຶ່ງຂອງປັກກິ່ງ ທຽນສິນ ແຂວງເຫີເປ ແຂວງຊ່ານຊີ່ແລະເຂດມົງກູໄນເປັນຕົ້ນ. ປະຈຸບັນ, ກິດຈະການດັ່ງກ່າວໄດ້ສ້າງປ່າ 4 ລ້ານກວ່າເຮັກຕາແລ້ວ, ຢູ່ແຂວງຊ່ານຊີ່ແລະເຂດມົງກູໄນປົກຄອງຕົນເອງເປັນຕົ້ນທີ່ຢູ່ອ້ອມແອ້ມນະຄອນປັກກິ່ງທຽນສິນ, ອັດຕາມີປ່າໄມ້ແລະຫຍ້າປົກຫຸ້ມໄດ້ເພີ່ມຂຶ້ນ 2 ຫາ 3 ເທົ່າຂຶ້ນໄປ, ສະພາບຊີວະພາບໄດ້ດີຂຶ້ນຢ່າງເດັ່ນຊັດ.
|
|
|
