|
|
 |
| (GMT+08:00)
2006-07-09 18:43:43
|
 |
|
ການຝຶກຊ້ອມປີ 2006 ດ້ານການບໍລິການອຸຕຸນິຍົມແກ່ງານກິລາໂອລິມປິກປັກກິ່ງໄດ້ເລີ່ມຈັດຂຶ້ນຢ່າງເປັນທາງການ
cri
Author: mo
ຕາມຂ່າວສານຊີນຮວາ: ວັນທີ 8 ກໍລະກົດ, ການເຄື່ອນໄຫວຝຶກຊ້ອມປີ 2006 ດ້ານການບໍລິການອຸຕຸນິຍົມແກ່ງານກິລາໂອລິມປິກຂອງຂະແໜງການອຸຕຸນິຍົມຈີນທີ່ກະກຽມມາດົນແລ້ວນັ້ນໄດ້ຈັດຂຶ້ນຢູ່ປັກກິ່ງຢ່າງເປັນທາງການ.
ຕາມຊາບວ່າ, ການເຄື່ອນໄຫວຝຶກຊ້ອມປີ 2006 ດ້ານການບໍລິການອຸຕຸນິຍົມແກ່ງານໂອລິມປິກແບ່ງອອກເປັນສອງໄລຍະ, ໄລຍະທີໜຶ່ງແມ່ນຝຶກຊ້ອມແບບສົມມຸດ, ລວມທັງການຝຶກຊ້ອມການບໍລິກາອຸຕຸນິຍົມໃນພິທີເປີດສາກແລະໃນເວລາແຂ່ງຂັນແຕ່ວັນທີ 8 ຫາວັນທີ 12 ກໍລະກົດ, ການຝຶກຊ້ອມດ້ານອຸຕຸນິຍົມແກ່ການແລ່ນຕໍ່ແຮງດ້ວຍທວນໄຟ, ແລະການຮັບປະກັນດ້ານອຸຕຸນິຍົມໃນການຮັບມືກັບເຫດການສາທາລະນະທີ່ເກີດຂຶ້ນກະທັນຫັນເປັນຕົ້ນ, ໄລຍະທີສອງແມ່ນປະສານສົມທົບກັບການຝຶກຊ້ອມຕົວຈິງຂອງການແຂ່ງຂັນຫຼາຍລາຍທີ່ຈະຈັດຂຶ້ນໃນເດືອນໜ້າ.
ທ່ານເຊ້ຜູ ຜູ້ບັນຊາການຢູ່ກັບບ່ອນຂອງການຝຶກຊ້ອມເທື່ອນີ້ ຫົວໜ້າກົມອຸຕຸນິຍົມປັກກິ່ງເວົ້າວ່າ, ແຕ່ໃດມາ, ການແຂ່ງຂັນ ໄລຍະແຂ່ງຂັນ ແລະຜົນງານຂອງງານກິລາໂອລິມປິກລ້ວນແຕ່ກ່ຽວພັນກັບດິນຟ້າອາກາດຢ່າງໃກ້ຊິກ. ໃນໄລຍະຝຶກຊ້ອມ, ຂະແໜງການອຸຕຸນິຍົມຈະຕິດຕາມການປ່ຽນແປງຂອງດິນຟ້າອາກາດຢ່າງໃກ້ຊິກ, ຕັ້ງໜ້າເຮັດວຽກເຕືອນໄພແລະພະຍາກອນອາກາດໃຫ້ດີ, ພະຍາຍາມຍົກຄວາມສາມາດພະຍາກອນໃຫ້ສູງຂຶ້ນ.
|
|
|
