|
ຕາມຂ່າວສານຊິນຮວາ:ວັນທີ10 ກໍລະກົດ,ທ່ານຊົງຊວນ ໂຄສົກຖະແຫຼງຂ່າວຂອງກະຊວງການຄ້າຈີນໃຫ້ສຳພາດກ່ຽວກັບຝ່າຍອາເມລິກາເປີດກວ້າງຂອບເຂດ ຄວບຄຸມຈຳກັດສິນຄ້າສົ່ງອອກໃຫ້ຈີນ,ທ່ານຊີ້ອອກວ່າ,ຝ່າຍອາເມລິກາຕັ້ງສິ່ງຂັດຂວາງທີ່ບໍ່ສົມເຫດສົມຜົນແລະແຖມເງື່ອນໄຂໃຫ້ການຄ້າອັນເປັນປົກກະຕິລະຫວ່າງສອງປະເທດ,ນີ້ບໍ່ສອດຄ່ອງກັບຜົນປະໂຫຍດຂອງວິສາຫະກິດທັງສອງຝ່າຍ,ກໍ່ບໍ່ມີຜົນດີຕໍ່ການພັດທະນາຢ່າງປອດໃສຂອງການພັວພັນເສດຖະກິດການຄ້າລະຫວ່າງຈີນອາເມລິກາ.
ຕາມຂ່າວແຈ້ງວ່າ,ຫວ່າງມໍ່ໆນີ້,ກະຊວງການຄ້າອາເມລິກາໄດ້ວາງຂໍ້ສະເໜີສັບຊ້ອນນະໂຍບາຍຄວມຄຸມຈຳກັດການສົ່ງອອກໃຫ້ຈີນ,ໄດ້ຈັດເອົາບາງຜະລິດຕະພັນເຕັກນິກສູງເຂົ້າໃນໃບບັນຊີຄວບຄຸມຈຳກັດການສົ່ງອອກ.ອາເມລິກາປະຕິບັດນະໂຍບາຍອັນເຄັ່ງຄັດທີ່ຈຳກັດການສົ່ງອອກຜະລິດຕະພັນເຕັກນິກສູງໃຫ້ຈີນໂດຍຕະຫຼອດ.ນີ້ຖືກເຫັນວ່າແມ່ນສາຍເຫດສຳຄັນທີ່ພາໃຫ້ການນຳເຂົ້າຂອງອາເມລິກາໜ້ອຍກວ່າການສົ່ງອອກໃຫ້ຈີນ.
ທ່ານຊົງຊວນກ່າວວ່າ,ຫວັງໃຫ້ຝ່າຍອາເມລິກາໃຊ້ມາດຕະການທີ່ມີລັກສະນະສ້າງສັນ,ຊຸກຍູ້ສອງຝ່າຍພັດທະນາການຄ້າເຕັກນິກສູງ,ຜ່ອນຄາຍການບໍ່ດຸນດຽງຂອງການຄ້າລະຫວ່າງຈີນອາເມລິກາ.
|
