|
|
 |
| (GMT+08:00)
2006-07-10 20:42:33
|
 |
|
ຜູ້ນຳກູບາກ່າວລື້ມວ່າຄັດຄ້ານທຸກກົນອຸບາຍທີ່ໃຫ້"ໄຕ້ຫວັນເປັນເອກະລາດ"
cri
Author: da
ຕາມຂ່າວCRI:ວັນທີ10ກໍລະກົດ ຢູ່ປັກກິ່ງ ທ່ານລາໂຊ ກຳມະການກົມການເມືອງ ເລຂາທິການຄະນະເລຂາສູນກາງພັກກອມມູນິດກູບາ ຮອງປະທານສະພາທີ່ປຶກສາແຫ່ງລັດກູບາເວົ້າວ່າ,ຝ່າຍກູບາຈະສືບຕໍ່ຍຶດໝັ້ນນະໂຍບາຍຈີນດຽວ,ຄັດຄ້ານທຸກກົນອຸບາຍທີ່ໃຫ້"ໄຕ້ຫວັນເປັນເອກະລາດ".
ທ່ານລາໂຊແມ່ນໃຫ້ທັດສະນະດັ່ງກ່າວໃນເວລາພົບປະກັບທ່ານຫຼີຊາງຊຸນ ກຳມະການປະຈຳກົມການເມືອງສູນກາງພັກກອມມູນິດຈີນ.ທ່ານເວົ້າວ່າ,ພັກແລະລັດຖະບານກູບາຫວັງເພີ່ມທະວີການແລກປ່ຽນດ້ວຍໄມຕີຈິດກັບພັກແລະລັດຖະບານຈີນໃນບັນດາຂົງເຂດແລະທຸກລະດັບຕື່ມອີກ,ສືບຕໍ່ລົງເລິກປະສານງານແລະກົມກຽວໃນວຽກງານສາກົນແລະພາກພື້ນ,ຊຸກຍູ້ໃຫ້ການຮ່ວມມືທີ່ຕິດແທດຕົວຈິງລະຫວ່າງສອງປະເທດໃນຂົງເຂດການເມືອງ ເສດຖະກິດການຄ້າແລະວັດທະນະທຳເປັນຕົ້ນໄດ້ຮັບຜົນໃໝ່.
ທ່ານຫຼີຊາງຊຸນໄດ້ຕີລາຄາສູງຕໍ່ມິດຕະພາບຈີນກູບາ,ທ່ານຂອບອົກຂອບໃຈຕໍ່ກູບາໄດ້ສະໜອງການສະໜັບສະໜູນທີ່ສຳຄັນໃຫ້ຈີນໃນບັນຫາໄຕ້ຫວັນແລະບັນຫາຕິເບດເປັນຕົ້ນ,ແລະອວຍພອນໃຫ້ພັກ ລັດຖະບານແລະປະຊາຊົນກູບາຈະໄດ້ຮັບຜົນສຳເລັດໃຫຍ່ຫຼວງໃນການຊອກຄົ້ນເສັ້ນທາງພັດທະນາທີ່ສອດຄ່ອງສະພາບແຫ່ງຊາດ,ບັນລຸການພັດທະນາເສດຖະກິດຂອງປະເທດຕົນຢ່າງສືບເນື່ອງແລະໝັ້ນທ່ຽງ.
|
|
|
