|
ຝ່າຍຈີນຄັດຄ້ານການເຄື່ອນໄຫວໃດໆທີ່ພາໃຫ້ສະຖານະການອາຊີຕາເວັນອອກສຽງເໜືອເຄັ່ງຕຶງຂຶ້ນ
cri
Author: da
ຕາມຂ່າວCRI:ວັນທີ 11 ກໍລະກົດ ຢູ່ປັກກິ່ງ ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນຄັດຄ້ານການເຄື່ອນໄຫວໃດໆທີ່ພາໃຫ້ສະຖານະການອາຊີຕາເວັນອອກສຽງເໜືອເຄັ່ງຕຶງຂຶ້ນ.ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງມີໃຈເຢັນແລະຄວາມອົດກັ້ນ,ຢ່າສູ່ໃຊ້ການເຄື່ອນໄຫວທີ່ເຮັດໃຫ້ສະຖານະການສັບສົນຕື່ມອີກ.
ທ່ານນາງເວົ້າວ່າ,ຝ່າຍຈີນເຫັນວ່າ,ຍີ່ປຸ່ນແລະປະເທດອື່ນມີປະຕິກິລິຍາເກີນຂອບເຂດໃນຮ່າງມະຕິກ່ຽວກັບບັນຫາສປປເກົາຫຼີທົດລອງຍິງສົ່ງລູກສອນໄຟນຳວິຖີທີ່ສະເໜີຕໍ່ສະພາຄວາມໝັ້ນຄົງ,ຖ້າຖືກຮັບຮອງແລ້ວ,ຈະເຮັດໃຫ້ຄວາມຂັດແຍ່ງກັນດຸເດືອດຂຶ້ນ,ສະຖານະການເຄັ່ງຕຶງຂຶ້ນຕື່ມ,ທຳລາຍສັນຕິພາບແລະສະຖຽນລະພາບຂອງແຫຼມເກົາຫຼີແລະພາກພື້ນອາຊີຕາເວັນອອກສຽງເໜືອ,ທຳລາຍຄວາມພະຍາຍາມຂອງການຟື້ນຟູການເຈລະຈາ 6 ຝ່າຍ,ແລະຈະເຮັດໃຫ້ສະພາຄວາມໝັ້ນຄົງແຕກແຍກກັນ,ຄວນປັບປຸງເນື້ອໃນທາດແທ້ຂອງຮ່າງມະຕິດັ່ງກ່າວ.
|
|
