ຕາມ​ຂ່າວສານ​ຈີນ:​ພາຍຫຼັງ​ທາງ​ລົດ​ໄຟ​ຊີ່​ງ​ໄຫ-ຕິ​ເບ​ດ​ໄດ້​ເປີດ​ໃຫ້​ລົດ​ແລ່ນ​ແລ້ວ,ບໍລິສັດ​ທ່ອງທ່ຽວ​ຕ່າງໆ​ຂອງສິງກະ​ໂປ​ພາກັນ​ຈັດການ​ທ່ຽວ​ທາງລົດ​ໄຟຊີ່​ງ​ໄຫ-​ຕິ​ເບ​ດ​,ປັດຈຸບັນຄະນະ​ທ່ອງ​ທ່ຽວທີ່​ອອກ​ເດີນທາງ​ໃນ​​ເດືອນກໍ​ລະ​ກົດ​ແລະ​​ເດືອນ​ສິງຫາ​ໄດ້ຈັດຮຽບ​ຮ້ອຍແລ້ວ.

ຜູ້ອຳ​ນວຍ​ການຊັ້ນ​ສູງ​ຜະລິດ​ຕະພັນ​ທ່ອງ​ທ່ຽວພະ​ແນ​ກຈີນ​ຂອງ​ບໍລິສັດ​ທ່ອງ​ທ່ຽວ​ອ້າຍ​ນ້ອງ​ຕະກູນ​ຈື່ງ​ຂອງສິງກະ​ໂປ​ເວົ້າ​ວ່າ,​ແຕ່​ທ້າຍ​ເດືອນ​ມິຖຸນາມາ​ນີ້​,ຕະຫຼາດ​ກໍ່​ໄດ້ທຳ​ປະຕິກິລິ​ຍາຢ່າງ​ຄຶກ​ຄັກ​ສົມຄວນ​ຕໍ່​ຄະນະ​ທ່ອງ​ທ່ຽວທາງລົດ​ໄຟ​ຊີ່​ງ​ໄຫ-ຕິ​ເບ​ດ.​ນາງ​ເບິ່ງ​ໃນ​ແງ່​ດີທີ່​ສຸດຕໍ່​ເສັ້ນທາງ​ໃໝ່​ສາຍ​ນີ້,​ເພາະວ່າ​ເຂດທິວ​ທັດ​ທີ່​ລົດ​​ໄຟ​ຜ່ານ​ໄປ​ນັ້ນ​ເກີດ​ມີ​ແຮງ​ດຶງ​ດູດ​ຫຼາຍ​ຕໍ່​ນັກ​ທ່ອງ​ທ່ຽວ.

ປະ​ທານ​ບໍລິສັດ​ທ່ອງ​ທ່ຽວ​ດັ່ງ​ກ່າວ​ກ່າວ​ວ່າ,​ໃນ​ອະດີດ,​​ແຕ່ລະ​ປີ,ເຂດ​ຕິ​ເບ​ດ​ໄດ້​ຕ້ອນ​ຮັບນັກ​ທ່ອງ​ທ່ຽວ​ສິງ​ກະ​​​ໂປ​ແລະ​ມາ​ເລ​ເຊຍ1​ໝື່ນຫາ2​ໝື່ນ​ຄົນ.ຫຼັງ​ຈາກ​ລົດ​ໄຟ​ພູ​ພຽງ​ຊີ່​ງ​ໄຫ-ຕິ​ເບ​ດ​ເປີດ​​ໃຫ້​ລົດ​​ແລ່ນ​ແລ້ວ,ຢ່າ​ງໜ້ອຍ​ຈະ​ເຮັດ​ໃຫ້​ນັກ​ທ່ອງ​ທ່ຽວ​ສິງກະ​ໂປ​ແລະ​ມາ​ເລ​ເຊຍ​ເພິ່​ມຂຶ້ນ15%.