ຕາມຂ່າວcri:ວັນທີ12 ກໍລະກົດ,ຢູ່ທີ່ປັກກິ່ງ,ທ່ານອູປາງກົວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ຈີນກັບສປປເກົາຫຼຄວນສືບຕໍ່ຮັກສາມິດຕະພາບອັນເປັນມູນເຊື້ອ,ເຮັດໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລົງສູ່ລວງເລິກ.
ທ່ານອູປາງກົວ(ຂວາ)ພົບປະທ່ານຢາງຮິງຊົບ
ໃນເວລາພົບປະທ່ານຢາງຮິງຊົບ ຮອງປະທານຄະນະປະຈຳສະພາປະຊາຊົນສູງສຸດສປປເກົາຫຼີ,ທ່ານອູປາງກົວກ່າວວ່າ,ຈີນກັບສປປເກົາຫຼີມີໄມຕີຈິດຕໍ່ກັນສອດຄ່ອງກັບຜົນປະໂຫຍດຂອງປະຊາຊົນສອງຊາດ,ກໍ່ມີຜົນຕໍ່ສັນຕິພາບແລະສະຖຽນລະພາບຂອງພາກພື້ນແຫ່ງນີ້.ສອງຝ່າຍຄວນເພີ່ມທະວີການລຸລົ່ງກັນແລະປະສານງານກັນ,ແລກປ່ຽນແລະຖອດຖອນບົດຮຽນເຊິ່ງກັນແລະກັນ,ເຮັດວຽກຂອງຕົນໃຫ້ດີກວ່າເກົ່າ,ຊຸກຍູ້ໃຫ້ການພົວພັນລະຫວ່າງຈີນສປປເກົາຫຼີກ້າວໄປໜ້າຕື່ມອີກ,ປະກອບສ່ວນເຂົ້າໃນສັນຕິພາບແລະການພັດທະນາຂອງໂລກແລະພາກພື້ນ.
ທ່ານຢາງຮີງຊົບກ່າວວ່າ,ຝ່າຍສປປເກົາຫຼີເອົາໃຈໃສ່ມິດຕະພາບລະຫວ່າງສປປເກົາຫຼີຈີນໃນລະດັບສູງ,ໂດຍອີງຕາມຄວາມຮັບຮູ້ຄືກັນຂອງຜູ້ນຳສອງປະເທດ,ຍິນດີສືບຕໍ່ຕັ້ງໜ້າຂະຫຍາຍການພົວພັນໄມຕີຈິດຮ່ວມມືລະຫວ່າງສອງປະເທດ,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີແລະອາຊີຕາເວັນອອກສຽງເໜືອ.
|