|
|
 |
| (GMT+08:00)
2006-07-13 18:07:36
|
 |
|
ຈີນຈະເພີ່ມທະວີການແລກປ່ຽນແລະການຮ່ວມມືກັບສາກົນໃນຂົງເຂດການສຶກສາຊັ້ນສູງຕື່ມອີກ
cri
Author: da
ຕາມຂ່າວCRI:ວັນທີ12ກໍລະກົດ ຢູ່ຊຽງໄຮ້ ທ່ານນາງເສີນຈື້ລີ້ ທີ່ປຶກສາແຫ່ງລັດຈີນເວົ້າວ່າ,ຈີນຈະເພີ່ມທະວີການແລກປ່ຽນແລະການຮ່ວມມືກັບສາກົນໃນຂົງເຂດການສຶກສາຊັ້ນສູງຕື່ມອີກ,ບຳລຸງສ້າງຜູ້ມີຄວາມຮູ້ຄວາມສາມາດທີ່ປະດິດສ້າງໃໝ່ລະດັບສູງ.
ເວທີປາໄສຫົວໜ້າມະຫາວິທະຍາໄລຈີນຕ່າງປະເທດຄັ້ງທີ 3 ໄດ້ຈັດຂຶ້ນຢູ່ຊຽງໄຮ້ໃນມື້ດຽວກັນ,ທ່ານນາງເສີນຈື້ລີ້ແມ່ນໃຫ້ທັດສະນະດັ່ງກ່າວໃນພິທີໄຂກອງປະຊຸມ.
ທ່ານນາງເສີນຈື້ລີ້ຊີ້ອອກວ່າ,ປະຈຸບັນ ລັດຖະບານຈີນພວມອອກແຮງສ້າງສາປະເທດແບບປະດິດສ້າງໃໝ່,ພະຍາຍາມຫັນຈີນຈາກປະເທດປະຊາກອນຫຼາຍກາຍເປັນປະເທດມີຊັບພະຍາກອນມະນຸດຫຼາຍ.ໃນຖານເປັນອູ່ບຳລຸງສ້າງຜູ້ມີຄວາມຮູ້ຄວາມສາມາດທີ່ມີຄຸນທາດສູງ,ໂຮງຮຽນຊັ້ນສູງຂອງຈີນໄດ້ເສີມຂະຫຍາຍບົດບາດສຳຄັນໃນການສ້າງສາປະເທດແບບປະດິດສ້າງໃໝ່.ທ່ານນາງເວົ້າວ່າ,ໂຮງຮຽນຊັ້ນສູງຂອງຈີນຈະເພີ່ມທະວີການເປີດປະຕູສູ່ພາຍນອກຕື່ມອີກ,ພ້ອມກັບອົງການຄົ້ນຄວ້າແລະໂຮງຮຽນຊັ້ນສູງຂອງຕ່າງປະເທດສ້າງຫ້ອງທົດລອງຮ່ວມຫຼືສູນຄົ້ນຄວ້າພັດທະນາຮ່ວມ,ພ້ອມກັນບຳລຸງສ້າງຜູ້ມີຄວາມຮູ້ຄວາມສາມາດທີ່ປະດິດສ້າງໃໝ່.
|
|
|
