|
|
 |
| (GMT+08:00)
2006-07-14 21:05:23
|
 |
|
ການຮ່ວມມືດ້ານພະລັງງານລະຫວ່າງຈີນກັບຣັດເຊຍສອດຄ່ອງກັບຜົນປະໂຫຍດຮ່ວມຂອງສອງປະເທດ
cri
Author: da
ຕາມຂ່າວCRI: ທ່ານຫຼີຫຸ່ຍ ຜູ້ຊ່ອຍລັດຖະມົນຕີການຕ່າງປະເທດຈີນເວົ້າຢູ່ປັກກິ່ງ ວ່າ,ການຮ່ວມມືດ້ານພະລັງງານລະຫວ່າງຈີນຣັດເຊຍແມ່ນພາກສ່ວນປະກອບທີ່ສຳຄັນຂອງການພົວພັນຄູ່ຂາຍຸດທະສາດລະຫວ່າງສອງປະເທດ,ສອດຄ່ອງກັບຜົນປະໂຫຍດຮ່ວມຂອງສອງປະເທດ,ມີຜົນດີຕໍ່ການຊຸກຍູ້ການພັດທະນາພ້ອມກັນ,ສ້າງຄວາມສຸກໃຫ້ປະຊາຊົນສອງປະເທດ.
ຕອນເຊົ້າວັນທີ14ກໍລະກົດ,ທ່ານຫຼີຫຸ່ຍໄດ້ນັ່ງເປັນແຂກແວບໄຊຊິນຮວາ,ແລກປ່ຽນຄວາມເຫັນກັບຊາວເນັດກ່ຽວກັບລາຍການການເຄື່ອນໄຫວ"ປີຣັດເຊຍ"ຂອງຈີນ ການພົວພັນລະຫວ່າງຈີນຣັດເຊຍແລະບັນຫາອື່ນໆ.
ໃນເວລາຕອບຄຳຖາມກ່ຽວກັບບັນຫາຮ່ວມມືດ້ານພະລັງງານລະຫວ່າງຈີນຣັດເຊຍ,ທ່ານຫຼີຫຸ່ຍເວົ້າວ່າ,ການສ້າງທໍ່ສົ່ງນ້ຳມັນດິບຈາກຣັດເຊຍມາຫາຈີນແມ່ນຄວາມຮັບຮູ້ຄືກັນຂອງຜູ້ນຳສອງປະເທດ.ອີງຕາມແຜນການ,ທໍ່ສົ່ງນ້ຳມັນດັ່ງກ່າວຈະເລີ່ມໃຊ້ການຢ່າງເປັນທາງການໃນເດືອນພະຈິກປີ2008,ຄວາມສາມາດສົ່ງນ້ຳມັນຈະບັນລຸ 30 ລ້ານໂຕນຕໍ່ປີ.ນອກນີ້,ສອງຝ່າຍໄດ້ຕົກລົງກັນວ່າ,ແຕ່ປີນີ້ເປັນຕົ້ນໄປ ຝ່າຍຣັດເຊຍຈະຜ່ານທາງລົດໄຟສົ່ງນ້ຳມັນໃຫ້ຈີນບໍ່ໜ້ອຍກວ່າ 15 ລ້ານໂຕນຕໍ່ປີ.ປະຈຸບັນ ການຮ່ວມມືກັນລະຫວ່າງສອງຝ່າຍໃນດ້ານກໍ່ສ້າງທໍ່ສົ່ງນ້ຳມັນເຊື້ອໄຟ ການຄ້ານ້ຳມັນດິບແລະໄຟຟ້າເປັນຕົ້ນໄດ້ດຳເນີນໄປຢ່າງສະດວກ.
ທ່ານຫຼີຫຸ່ຍຍັງເວົ້າວ່າ,ການພົວພັນລະຫວ່າງຈີນກັບຣັດເຊຍໄດ້ຮັກສາທ່ວງທາຂະຫຍາຍຕົວເປັນຢ່າງດີຕະຫຼອດມາ.ການພັດທະນາຂອງຈີນເວົ້າສຳລັບຣັດເຊຍບໍ່ແມ່ນການທ້າທາຍ,ແຮ່ງບໍ່ແມ່ນການຂົ່ມຂູ່,ຫາກແມ່ນໂອກາດ.ການພັດທະນາຂອງຣັດເຊຍເວົ້າສຳລັບຈີນກໍແມ່ນໂອກາດສຳຄັນເຊັ່ນດຽວກັນ.
|
|
|
