|
ຮອງນາຍົກຈີນກ່າວເນັ້ນວ່າຕ້ອງຮັບປະກັນຊີວິດການເປັນຢູ່ພື້ນຖານຂອງມວນຊົນຜູ້ປະສົບໄພ
cri
Author: li
ຕາມຂ່າວ CRI: ຫວ່າງມໍ່ໆນີ້,ຍ້ອນໄດ້ຖືກຜົນສະທ້ອນຂອງລົມພາຍຸແຮງ"ປິລິສ",ຢູ່ບາງແຂວງພາກໃຕ້ຂອງຈີນໄດ້ມີຝົນຕົກແຮງ,ແລ້ວເກີດໄພນ້ຳຖ້ວມທີ່ໜັກໜ່ວງກວ່າໝູ່ແຕ່ຕົ້ນປີນີ້ມາ.ທ່ານຮຸຍລຽງອີ້ ຮອງນາຍົກລັດຖະມົນຕີຈີນໄດ້ໄປຖາມຂ່າວຕໍ່ມວນຊົນ,ນາຍແລະພົນທະຫານ ອັນໄພສານ ທີ່ຕ້ານໄພນ້ຳຖ້ວມແລະກູ້ໄພ ຢູ່ແຂວງຫູນານທີ່ປະສົບໄພຢ່າງໜັກໜ່ວງກວ່າໝູ່. ທ່ານກ່າວວ່າ,ຕ້ອງເຮັດວຽກງານທຸກລາຍໃນການປ້ອງກັນນ້ຳນອງ,ຕ້ານນ້ຳຖ້ວມແລະກູ້ໄພໃຫ້ດີຢ່າງແທ້ຈິງ,ແລະຮັບປະກັນຊີວິດການເປັນຢູ່ພື້ນຖານຂອງມວນຊົນຜູ້ປະສົບໄພ.
ທ່ານຮຸຍລຽງອີ້ໄດ້ສັ່ງໃຫ້ພະນັກງານທ້ອງຖິ່ນຕ້ອງຊອກຫາທຸກວິທີຈັດວາງການຜະລິດແລະຊີວິດການເປັນຢູ່ຂອງມວນຊົນຜູ້ປະສົບໄພໃຫ້ດີ,ຮັບປະກັນໃຫ້ພວກເຂົາເຈົ້າມີເຂົ້າກິນ,ມີບ່ອນຢູ່,ມີນ້ຳກິນທີ່ສະອາດ,ມີເຄື່ອງນຸ່ງຫົ່ມ,ເປັນພະຍາດແລ້ວປິ່ນປົວໄດ້. ທ່ານຊີ້ອອກວ່າ,ໃນສະເພາະໜ້າພໍດີຢູ່ໃນຍາມນ້ຳມາກຕົ້ນຕໍ,ສະພາບການປ້ອງກັນນ້ຳນອງແລະຕ້ານນ້ຳຖ້ວມແມ່ນຂ້ຽວຂາດ. ພະແນກທີ່ກ່ຽວຂ້ອງຕ້ອງຮ່ວມແຮງເຮັດວຽກປ້ອງກັນນ້ຳນອງແລະກູ້ໄພໃຫ້ດີ,ເຮັດວຽກປ້ອງກັນພະຍາດຕິດແປດຢູ່ເຂດປະສົບໄພໃຫ້ດີ,ຮັບປະກັນຄວາມປອດໄພຂອງແມ່ນ້ຳລຳເຊໃຫຍ່ແລະອ່າງຂັງນ້ຳໃຫຍ່,ແລະເພີ່ມທະວີການຕິດຕາມວັດແທກອ່າງຂັງນ້ຳນ້ອຍແລະລ້ອງແມ່ນ້ຳນ້ອຍແລະຫຼົບໄພທໍລະນີ.
|
|
