ຕາມ​ຂ່າວສານ​ຊິນ​ຮວາ:ຍົນ​ເໝົາ​ຂົນ​ສົ່ງ​ສິນ​ຄ້າ​ສອງ​ຝັ່ງ​ຊ່ອງ​​ແຄບ​ໄຕ້​ຫວັນຖ້ຽວທຳ​ອິດ,​ຈະຈາກ​ເມືອງ​ໄຕ້​​ເປ​ບິນ​ມາຊຽງ​ໄຮ້​ໃນ​ວັນ​ທີ19​ກໍລະກົດ.

ກ່ອນ​ໜ້າ​ນີ້,ຕາມ​ທຳ​ມະ​ດາ,ສິນຄ້າ​ທາງ​ອາກາດ​ຂອງ​ໄຕ້​ຫວັນ​ລ້ວນ​ແຕ່​ແມ່ນຂົນ​ສົ່ງ​ໄປ​ຮອດ​ຮົງ​ກົງກ່ອນ,​ແລ້ວ​ໃຫ້​​ເຄື່ອງບິນ​ຂອງ​ບໍລິສັດ​ການບິນ​ເຂດ​ໃນ​ຫຼື​ຮົງ​ກົງ​ຂົນ​ສົ່ງ​ມາ​ຮອດຊຽງ​ໄຮ້​.ບຸກຄົນ​ພາຍ​ໃນ​ຂະ​ແໜງ​ການ​ເຫັນ​ວ່າ, ຍົນ​ເໝົາ​ຂົນ​ສົ່ງ​ສິນຄ້າ​ສອງ​ຝັ່ງ​ຊ່ອງ​ແຄບ​ໄຕ້​ຫວັນ​,ຈະຫຼຸດ​ການ​ຂົນຖ່າຍ​ສິນຄ້າ​ໃຫ້​ໜ້ອຍ​ລົງ, ຫຼຸດ​​ໄລຍະ​ເວລ​າ​ຂົນ​ສົ່ງໃຫ້​ສັ້ນ​​ເຂົ້າ​ແລະປະຢັດຄ່າ​ຂົນ​ສົ່ງ​,ມີ​ຄວາມ​ໝາຍ​ຕັ້ງໜ້າ​ຕໍ່​ການຊຸ​ກຍູ້​ການ​ໄປ​ມາ​ຫາ​ສູ່​ດ້ານ​ເສດຖະກິດ​ການ​ຄ້າ​ລະຫວ່າງ​ສອງ​ຝັ່ງ​ຊ່ອງ​ແຄບ​ໄຕ້​ຫວັນ.

ຍົນເໝົາ​ຂົນ​ສົ່ງ​ສິນຄ້າ​ສອງ​ຝັ່ງ​ຊ່ອງ​ແຄບ​ໄຕ້​ຫວັນ​ຄັ້ງ​ນີ້​ລວມມີ5ຖ້ຽວ​ບິນ,ສາຍ​ກາ​ນບິນ​ຄື​ກັນ​ກັບຍົນ​ເໝົາ​​ຜູ່​ໂດຍສານໃນ​ຍາມ​ບຸນ​ກຸດ​ຈີນ,ກະ​ວ່າ,ຕະຫຼອດໄລຍະ​ທາງ​ຈະກິນເວລາ3​ຊົ່ງ​ໂມງ.ບໍລິສັດ​ການບິນ​ຈີນ​ຂອງໄຕ້​ຫວັນ​ຈະຫາບ​ແບກໜ້າ​ທີ່​ການບິນ​ຖ້ຽວ​ທຳ​ອິດ.