|
|
 |
| (GMT+08:00)
2006-07-19 16:54:12
|
 |
|
ລະບົບປະຍຸກຂອງກິດຈະການບິນອະວະກາດບັນທຸກຄົນຂອງຈີນຈະອອກແຮງການສ້າງລະບົບຫ້ອງທົດລອງເທິງອະວະກາດ
cri
Author: sayvanny
ຕາມຂ່າວ CRI: ນັກຄົ້ນຄວ້າວິທະຍາສາດຈີນຈະເພີ່ມທະວີການຄົ້ນ ຄວ້າກ່ຽວກັບລະບົບຫ້ອງທົດລອງເທິງອະວະກາດ,ເພື່ອສ້າງພື້ນຖານໃຫ້ແກ່ແຜນການປະຍຸກອະວະກາດຂອງກິດຈະການການບິນອະວະກາດບັນທຸກຄົນຂອງຈີນ.
ທ່ານກູ້ອີຕົງ ຊ່າງອອກແບບໃຫຍ່ຂອງລະບົບປະຍຸກໂຄງການການບິນອະວະກາດບັນທຸກຄົນຂອງຈີນເຜີຍໃຫ້ຮູ້ຂ່າວດັ່ງກ່າວໃນກອງປະຊຸມວິທະຍາສາດອະ ວະກາດໂລກຄັ້ງທີ 36 ທີ່ຈັດຂຶ້ນຢູ່ປັກກິ່ງໃນວັນທີ 19 ກໍລະກົດ.
ທ່ານເວົ້າວ່າ, ຈີນໄດ້ດຳເນີນການບິນອະວະກາດບັນທຸກຄົນສອງເທື່ອຢ່າງສຳເລັດຜົນແລ້ວ, ອັນໄດ້ຊຸກຍູ້ວິທະຍາສາດອະວະກາດແລະເຕັກນິກປະຍຸກອະວະກາດຂອງຈີນໃຫ້ກ້າວໄປຫນ້າ.ຕໍ່ໄປພາຍຫນ້າ,ນັກຄົ້ນຄວ້າວິ ທະຍາສາດຂອງຈີນຈະທຸ່ມເຫື່ອເທແຮງຄົ້ນຄວ້າສ້າງຫ້ອງທົດລອງເທິງອະ ວະກາດທີ່ມີອາຍຸໃຊ້ງານແນ່ນອນ,ໃຫ້ຄົນດຳລົງຊີວິດແລະເຮັດວຽກໄດ້ເປັນເວລາສັ້ນແລະດຳເນີນການເຄື່ອນໄຫວວິທະຍາສາດໄດ້.ສະນັ້ນ, ຈີນມີແຜນດຳເນີນການທົດລອງແລະຢັ່ງແທກທາງວິທະຍາສາດອະວະກາດ ແລະທົດລອງເຕັກນິກໃຫມ່ທີ່ຄົນເຂົ້າຮ່ວມ ແລະຄວບຄຸມທາງຫນ້າດິນ, ລວມທັງລົງເລິກການຄົ້ນຄວ້າຊີວະສາດພື້ນຖານເທິງອະວະກາດ;ຄົ້ນຄວ້າແລະຜະລິດເຄື່ອງສັງເກດຢັ່ງແທກຫນ່ວຍໂລກທີ່ມີພາບຊັດເຈນກວ່າເກົ່າແລະແມ່ນຢຳກວ່າເກົ່າ.
|
|
|
