|
ຈີນຈະເລັ່ງລັດພັດທະນາຕະຫຼາດທ່ອງທ່ຽວຊົນນະບົດ
cri
Author: m0o
ຕາມຂ່າວສານຊີນຮວາ: ກອງປະຊຸມວຽກງານທ່ອງທ່ຽວທົ່ວປະເທດຈີນພວມຈັດຂຶ້ນຢູ່ເມືອງອູຮ້ານ ພາກກາງຂອງຈີນ. ເຈົ້າໜ້າທີ່ກົມທ່ອງທ່ຽວແຫ່ງຊາດຈີນແນະນຳວ່າ, ໃນ 5 ປີຂ້າງໜ້າ, ກົມທ່ອງທ່ຽວແຫ່ງຊາດຈີນຈະນຳເຂົ້າຜູ້ຊ່ຽວຊານຫຼາຍຂະແໜງວິຊາເຊັ່ນຊົນເຜົ່າ, ຮີດຄອງປະເພນີ, ແລະປະຫວັດສາດເປັນຕົ້ນ, ຮ່ວມກັນຄົ້ນຄວ້າ, ຕັ້ງໜ້າສະແຫວງຫາຮູບແບບທ່ອງທ່ຽວຊົນນະບົດປະເພດຕ່າງໆ, ສ້າງບ້ານທ່ອງທ່ຽວຊົນນະບົດທີ່ມີສີສັນພິເສດເປັນໝື່ນບ້ານ, ເຈາະຈົງພັດທະນາບ້ານບູຮານແບບດັ້ງເດີມແລະບ້ານຊົນເຜົ່າເປັນຕົ້ນ, ເພີ່ມທະວີການອະນຸລັກຮ່ອງຮອຍວັດຖຸບູຮານ ເຮືອນຊານບ້ານຊ່ອງແລະຖະໝົນຫົນທາງເປັນຕົ້ນ.
ຈີນມີຫຼາຍແສນໝູ່ບ້ານ, ໃນນັ້ນ, ບ້ານທີ່ມີສີສັນແຈ່ມແຈ້ງສົມຄວນ, ຮັກສາໄດ້ຂ້ອນຂ້າງດີ, ມໍລະດົກວັດທະນະທຳດ້ານຮີດຄອງປະເພນີແລະວັດທະນະທຳພື້ນເມືອງຂ້ອນຂ້າງອຸດົມສົມບູນນັ້ນຢ່າງໜ້ອຍມີຫຼາຍພັນແຫ່ງ, ອະນາຄົດພັດທະນາການທ່ອງທ່ຽວຊົນນະບົດແມ່ນດີສົມຄວນ.
|
|
