|
ຜົນຜະລິດແລະຈຳນວນບໍລິໂພກນ້ຳມັນເຊື້ອໄຟຂອງຈີນໃນ 6 ເດືອນຕົ້ນປີນີ້ລ້ວນແຕ່ສ້າງລະດັບສູງສຸດໃນປະຫວັດສາດ
cri
Author: mo
ຕາມຂ່າວສານຊີນຮວາ: ໂດຍໄດ້ຮັບຜົນສະທ້ອນຈາກລາຄານ້ຳມັນເຊື້ອໄຟສູງແລະເສດຖະກິດຈີນເຕີບໂຕຢ່າງວ່ອງໄວ, ຜົນຜະລິດແລະຈຳນວນບໍລິໂພກນ້ຳມັນເຊື້ອໄຟຂອງຈີນໃນ 6 ເດືອນຕົ້ນປີນີ້ລ້ວນແຕ່ໄດ້ສ້າງລະດັບສູງສຸດໃນປະຫວັດສາດ.
ຕາມສະຖິຕິ, ໃນ 6 ເດືອນຕົ້ນປີນີ້, ຜົນຜະລິດນ້ຳມັນດິບຂອງຈີນແມ່ນ 91 ລ້ານກວ່າໂຕນ. ປະລິມານການຜະລິດນ້ຳມັນດິບແລະນ້ຳມັນສຳເລັດຮູບກໍໄດ້ເພີ່ມຂຶ້ນຂ້ອນຂ້າງຫຼາຍ. ບຸກຄົນພາຍໃນຂະແໜງການຊີ້ອອກວ່າ, ລາຄານ້ຳມັນສາກົນໃນສະເພາະໜ້ານີ້ສູງຂຶ້ນຢ່າງຕໍ່ເນື່ອງ, ຕົ້ນທຶນຂຸດຄົ້ນນ້ຳມັນເຊື້ອໄຟຕ່ຳກວ່າຜົນກຳໄລຕັ້ງຫຼວງຫຼາຍ, ນີ້ໄດ້ກະຕຸກຄວາມຫ້າວຫັນຂອງນັກທຸລະກິດຜະລິດນ້ຳມັນເຊື້ອໄຟຂອງຈີນໃນດ້ານເປີດກວ້າງການຜະລິດ. ອີກດ້ານໜຶ່ງ, ແຕ່ປີນີ້ມາ, ເສດຖະກິດຈີນເຕີບໂຕດ້ວຍຄວາມໄວສູງ, ການລົງທຶນດ້ານອຸດສາຫະກຳເຄມີໜັກແລະຈຳນວນລົດຍົນໄດ້ມີການເພິ່ມຂຶ້ນຂ້ອນຂ້າງຫຼາຍ, ໄດ້ຊັກຈູງຄວາມຕ້ອງການຕົວຈິງຂອງນ້ຳມັນເຊື້ອໄຟໃຫ້ຖີບສູງຂຶ້ນ.
ຜູ້ຊ່ຽວຊານຊີ້ອອກວ່າ, ລາຄານ້ຳມັນເຊື້ອໄຟສາກົນແພງຂຶ້ນເລື້ອຍໆ, ການປະຕິຮູບລາຄານ້ຳມັນເຊື້ອໄຟສຳເລັດຮູບຂອງຈີນພວມກຶກກອງຢູ່, ປັດໃຈເຫຼົ່ານີ້ຈະກະທົບເຖິງປະລິມານບໍລິໂພກນ້ຳມັນເຊື້ອໄຟຂອງຈີນໃນ 6 ເດືອນທ້າຍປີນີ້.
|
|
