|
|
 |
| (GMT+08:00)
2006-07-21 16:15:12
|
 |
|
ຜູ່ຊ່ຽວຊານກ່າວວ່າການປະຕິຮູບອັດຕາແລກປ່ຽນເງິນຢວນຈີນໃນຫນຶ່ງປີມານີ້ໄດ້ຮັບຜົນຢ່າງເດັ່ນຊັດ
cri
Author: sayvanny
ຕາມຂ່າວ CRI: ວັນທີ 21 ແມ່ນວັນລະລຶກການປະຕິຣູບກົນໄກຈໍ່ຕົວເປັນອັດຕາແລກປ່ຽນເງິນຢວນຈີນຄົບຮອບຫນຶ່ງປີ.ຜູ່ຊ່ຽວຊານທີ່ກ່ຽວຂ້ອງຂອງຈີນເວົ້າວ່າ, ໃນຫນຶ່ງປີມານີ້, ລະດັບການໃຫ້ຕະຫລາດມີບົດບາດໃນກົນໄກຈໍ່ຕົວເປັນອັດຕາແລກປ່ຽນເງິນຢວນຈີນໄດ້ຍົກສູງຂຶ້ນເລື້ອຍໆ,ການປະຕິຮູບອັດ ຕາແລກປ່ຽນໄດ້ຮັບຜົນຢ່າງເດັ່ນຊັດ.
ຜູ່ຊ່ຽວຊານທີ່ກ່ຽວຂ້ອງຊີ້ອອກວ່າ, ປັດຈຸບັນ, ໃນຕະຫລາດຊື້ຂາຍເງິນຕາຕ່າງປະເທດ, ລາຄາຊື້ຂາຍເງິນຢວນຈີນໃນແຕ່ລະມື້ບໍ່ແມ່ນໃຫ້ພະແນກຄຸ້ມຄອງເງິນຕາຕ່າງປະເທດຄື ທະນາຄານກາງເປັນຜູ່ກຳນົດອີກແລ້ວ, ແຕ່ຫາກແມ່ນໃຫ້ອົງການການເງິນທີ່ມີກຳລັງຕົວຈິງແລະຫນ້າເຊື່ອຖືສະເຫນີ ລາຄາຕາມສະພາບຂອງຕະຫລາດ. ນອກນີ້, ຈີນຄ່ອຍໆຜ່ອນຍານການຈຳກັດວິສາຫະກິດແລະສ່ວນບຸກຄົນພາຍໃນປະເທດໃຫ້ເຂົ້າຮ່ວມຕະຫລາດການເງິນຢູ່ຕ່າງປະເທດ,ນຳເອົາຜູ່ຊື້ຂາຍເງິນຕາຕ່າງ ປະເທດເຂົ້າມາຫລາຍກວ່າເກົ່າ, ມາດຕະການເຫລົ່ານີ້ເຮັດໃຫ້ກຳລັງຂອງຕະຫລາດໄດ້ເສີມຂະຫຍາຍບົດບາດແຂງແຮງຂຶ້ນເລື້ອຍໆໃນການຈໍ່ຕົວເປັນອັດຕາແລກປ່ຽນເງິນຢວນຈີນ.
ເນື່ອງໃນໂອກາດການປະຕິຮູບກົນໄກຈໍ່ຕົວເປັນອັດຕາແລກປ່ຽນເງິນຢວນຈີນຄົບຮອບຫນຶ່ງປີ, ວັນທີ 21 ກໍລະກົດ, ອັດຕາແລກປ່ຽນເງິນຢວນຈີນກັບໂດລາສະຫະລັດໄດ້ບັນລຸ 1 ໂດລາຕໍ່ 7,9897 ຢວນເຊິ່ງເປັນສະຖິຕິສູງສຸດໃຫມ່.
|
|
|
