|
ທະນາຄານກາງຂອງຈີນຍົກອັດຕາເງິນກຽມອອມສິນຂອງອົງການທະນາຄານອີກ
cri
Author: MO
ຕາມຂ່າວCRI: ເພື່ອລະງັບຍອດຈຳນວນເງິນກູ້ເພີ່ມຂຶ້ນໄວເກີນຄວນຕື່ມອີກ, ວັນທີ 21 ກໍລະກົດ, ທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນໄດ້ຕົກລົງຍົກອັດຕາເງິນກຽມອອມສິນຂອງອົງການທະນາຄານຂຶ້ນ 0,5%. ວັນທີ 5 ກໍລະກົດ, ທະນາຄານກາງຂອງຈີນໄດ້ຍົກອັດຕາດັ່ງກ່າວຂຶ້ນເທື່ອໜຶ່ງແລ້ວ, ລະດັບຊ່ຳກັນກັບເທື່ອນີ້.
ແຕ່ວັນທີ 15 ສິງຫາເປັນຕົ້ນໄປ, ອົງການການທະນາຄານຂອງຈີນຈະປະຕິບັດອັດຕາເງິນກຽມອອມສິນ 8,5%. ຜູ້ຮັບຜິດຊອບຂອງທະນາຄານກາງກ່າວວ່າ, ເພື່ອຮັບປະກັນການລົງທຶນໃສ່ເງິນກູ້ຕໍ່ເຂດຊົນນະບົດ, ອັດຕາເງິນກຽມອອມສິນຂອງອົງການການທະນາຄານຊົນນະບົດຈະບໍ່ປັບປຸງ.
|
|
