|
|
 |
| (GMT+08:00)
2006-07-21 20:36:30
|
 |
|
ທ່ານລີວຊີປາວສະເໜີໂຄງຄວາມຄຶດສ້າງສະຖານະພາບໃໝ່ໜຶ່ງອັກສະສອງປີກຈີນ-ອາຊຽນ
cri
Author: cai
ຕາມຂ່າວສານຊີນຮວາ:ວັນທີ 20 ກໍລະກົດ,ໃນເວທີປາໄສການຮ່ວມມືເສດຖະກິດອ້ອມອ່າວພາກເໜືອທີ່ຈັດຂຶ້ນຢູ່ນະຄອນນານນີງ ເຂດກວາງຊີຂອງຈີນ,ທ່ານລີວຊີປາວ ເລຂາຄະນະພັກກອມມູນິດຈີນເຂດກວາງຊີເຜົ່າຈ້ວງປົກຄອງຕົນເອງໄດ້ສະເໜີໂຄງຄວາມຄຶດສ້າງສະຖານະພາບໃໝ່ໜຶ່ງອັກສະສອງປີກພາກພື້ນຈີນ-ອາຊຽນ,ແລະເອີ້ນສະຖານະພາບໃໝ່ດັ່ງກ່າວເປັນຍຸດທະສາດການຮ່ວມມືເສດຖະກິດພາກພື້ນແບບ"M"ຈີນ-ອາຊຽນ.
ທ່ານລີວຊີປາວເວົ້າວ່າ,ສະຖານະພາບໃໝ່ດັ່ງກ່າວແມ່ນປະກອບດ້ວຍສອງແຜ່ນຄືເຂດຮ່ວມມືເສດຖະກິດປານອ່າວພາກເໜືອ ອະນຸພາກພື້ນແມ່ນ້ຳຂອງແລະໜຶ່ງອັກສະຄືລະບຽງເສດຖະກິດນານນີງ-ສິງກະໂປ,ຈໍ່ຕົວເປັນສະຖານະພາບໃຫຍ່ໜຶ່ງອັກສະສອງປີກທີ່ມີຮູບຄືຕົວອັກສອນອັງກິດ"M".
ທ່ານເຫັນວ່າ,ການສະເໜີແລະປະຕິບັດຍຸດທະສາດດັ່ງກ່າວ,ຈະຊ່ອຍນຳໃຊ້ຊັບພະຍາກອນຮ່ວມກັນໃນພາກພື້ນ,ຊຸກຍູ້ການຍົກຍ້າຍຂະແໜງການແລະການແບ່ງວຽກຢ່າງສົມເຫດສົມຜົນ;ຈະຊ່ອຍເປີດກວ້າງຕະຫຼາດພາກພື້ນແລະຊ່ອງຫວ່າງພັດທະນາເສດຖະກິດ,ສ້າງຈຸດເຕີບໂຕເສດຖະກິດອັນໃໝ່ຫຼາຍກວ່າເກົ່າ;ຈະຊ່ອຍບັນດາປະເທດໃນພາກພື້ນເສີມຂະຫຍາຍທ່າແຮງສົມທຽບຢ່າງເຕັມສ່ວນ,ຕາບຈູນກັນແລະຕ່າງຝ່າຍຕ່າງມີຜົນປະໂຫຍດ,ສະສົມກຳລັງຍົກກຳລັງແກ່ງແຍ່ງກວມລວມຂອງພາກພື້ນແຫ່ງນີ້ໃຫ້ສູງຂຶ້ນ;ຈະຊ່ອຍຮ່ວມກັນດູດດຶງເອົາທຶນສາກົນແລະຊັບພະຍາກອນພາຍນອກແລະນຳໃຊ້ຢ່າງສົມເຫດສົມຜົນກວ່າເກົ່າ,ຊຸກຍູ້ການຮ່ວມມືເສດຖະກິດການຄ້າສາກົນກ້າວໄປສູ່ລະດັບສູງກວ່າເກົ່າແລະເລິກເຊິ່ງກວ່າເກົ່າ.
|
|
|
