|
ຕາມຂ່າວສານຈີນ:ຕອນເຊົ້າວັນທີ21ກໍລະກົດ,"ເວທີປາໄສການຮ່ວມມືເສດຖະກິດອ້ອມອ່າວພາກເໜືອ"ທີ່ອັດລົງຢູ່ເມືອງນານນີງເຂດກວາງຊີຂອງຈີນໄດ້ອອກ"ຖະແຫຼງການປະທານເວທີປາໄສການຮ່ວມມືເສດຖະກິດອ້ອມອ່າວພາກເໜືອ,ບັນດາຝ່າຍກ່າວວ່າ,ຈະອອກແຮງກໍ່ສ້າງເຂດຮ່ວມມືເສດຖະກິດປານອ່າວພາກເໜືອ,ຮ່ວມກັນສ້າງຂົ້ວເຕີບໂຕອັນໃໝ່ຂອງຈີນ-ອາຊຽນ.
ຖະແຫຼງການຂຽນວ່າ,ຄຽງຄູ່ກັບຂະບວນການກໍ່ສ້າງເຂດການຄ້າເສລີຈີນ-ອາຊຽນຂະຫຍາຍຕົວໄປໜ້າຢ່າງບໍ່ຢຸດຢັ້ງ,ເຂດອ້ອມອ່າວພາກເໜືອໃນຖານເປັນສາຍພານຕິດຕໍ່ຂ້າມທະເລຈີນກັບອາຊຽນ,ຍ້ອນທີ່ຕັ້ງພູມີສາດພິເສດ,ຊັບພະຍາກອນທຳມະຊາດອັນອຸດົມສົມບູນ,ມີພື້ນຖານຮ່ວມມືອັນດີງາມແລະອະນາຄົດພັດທະນາອັນກວ້າງຂວາງ,ຕ້ອງເລັ່ງລັດການຮ່ວມມືແລະການພັດທະນາຕື່ມອີກ,ບັນລຸຕ່າງຝ່າຍຕ່າງມີຜົນປະໂຫຍດ.
ກ່ຽວກັບການຂະຫຍາຍແລະລົງເລິກການພົວພັນຄູ່ຂາຍຸດທະສາດຈີນ-ອາຊຽນ,ຖະແຫຼງການເຫັນວ່າ,ການກໍ່ສ້າງເຂດຮ່ວມມືເສດຖະກິດປານອ່າວພາກເໜືອ,ຕ້ອງຢືນຢູ່ຈຸດສູງທີ່ຫັນໜ້າໄປສູ່ການຮ່ວມມືອາຊີ,ແລະຂະຫຍາຍການຮ່ວມມືເສດຖະກິດອ້ອມອ່າວພາກເໜືອໄປສູ່ປະເທດອາຊຽນເທິງທະເລ ເຊັ່ນ,ມາເລເຊຍ,ສິງກະໂປ,ອິນໂດເນເຊຍ,ຟິລິບປິນແລະບຼູໄນເປັນຕົ້ນທີ່ຕັ້ງປິ່ນໜ້າໃສ່ກັນຄົນລະຝາກທະເລ,ຮັດແໜ້ນການຮ່ວມມືຕ່າງໆ ເຊັ່ນ,ການຈໍລະຈອນສິນຄ້າ,ອຸດສາຫະກຳ,ການຄ້າແລະການລົງທຶນເປັນຕົ້ນ,ພ້ອມກັນຊຸກຍູ້ພາກພື້ນນີ້ໃຫ້ເລັ່ງລັດພັດທະນາ.
ຕາມໄດ້ຊາບ,ກອງປະຊຸມຄັ້ງນີ້ໄດ້ດຶງດູດເຈົ້າໜ້າທີ່ລັດຖະບານ,ຜູ້ຊ່ຽວຊານ160ກວ່າຄົນຂອງປະເທດແລະເຂດແຄວ້ນຕ່າງໆ,ເຊັ່ນ,ຈີນ,ຫວຽດນາມ,ສິງກະໂປ,ຟິລິບປິນ,ມາເລເຊຍແລະອິນໂດເນເຊຍເປັນຕົ້ນ ດ້ວຍຜູ້ແທນວົງການວິສາຫະກິດທີ່ມີຊື່ສຽງຈາກແຫ່ງຕ່າງໆພາຍໃນປະເທດຈີນແລະພົ້ນທະເລ.
|
