|
ການຄ້າລະຫວ່າງແຂວງຟູຈ້ຽນກັບອາຊຽນໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ
cri
Author: da
ຕາມຂ່າວສານຊິນຮວາ:ການຄ້າລະຫວ່າງແຂວງຟູຈ້ຽນຈີນກັບອາຊຽນໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ.ຕາມສະຖິຕິຂອງຝ່າຍພາສີແຂວງຟູຈ້ຽນ,ໃນ 6 ເດືອນຕົ້ນປີນີ້,ຍອດມູນຄ່າການຄ້າລະຫວ່າງແຂວງຟູຈ້ຽນກັບອາຊຽນໄດ້ບັນລຸ 2 ຕື້ 447 ລ້ານໂດລາສະຫະລັດ,ເພີ່ມຂຶ້ນຫຼາຍກວ່າເວລາດຽວກັນໃນປີກາຍ 12,16%.
ໃນນັ້ນ,ແຂວງຟູຈ້ຽນສົ່ງອອກໄປອາຊຽນບັນລຸ 1 ຕື້ 299 ລ້ານໂດລາສະຫະລັດ,ເພີ່ມຂຶ້ນ 21,39%;ໄດ້ນຳເຂົ້າຈາກອາຊຽນ 1 ຕື້ 148 ລ້ານໂດລາສະຫະລັດ,ເພີ່ມຂຶ້ນ 3,27%;ການສົ່ງອອກຫຼາຍກວ່າການນຳເຂົ້າ 151 ລ້ານໂດລາສະຫະລັດ.
ພ້ອມກັນນັ້ນ,ຍອດມູນຄ່າການຄ້າລະຫວ່າງແຂວງຟູຈ້ຽນກັບມາເລເຊຍ ສິງກະໂປ ຟິລິບປິນ ໄທແລະອິນໂດເນເຊຍໄດ້ກວມ 90% ຂຶ້ນໄປຂອງຍອດມູນຄ່າການຄ້າລະຫວ່າງແຂວງຟູຈ້ຽນກັບອາຊຽນ.
ຕົວເລກສະຖິຕິຍັງສະແດງໃຫ້ເຫັນວ່າ,ແຂວງຟູຈ້ຽນນຳເຂົ້າວັດຖຸດິບເພື່ອການຜະລິດແລະພະລັງງານຈາກອາຊຽນກວມສ່ວນຫຼາຍ,ການສົ່ງອອກຕົ້ນຕໍແມ່ນຜະລິດຕະກຳດັ້ງເດີມເຊັ່ນ:ເຄື່ອງນຸ່ງ ເກີບແລະຝ້າຍເສັ້ນເປັນຕົ້ນ.
|
|
