|
|
 |
| (GMT+08:00)
2006-07-24 14:26:01
|
 |
|
ຈີນຈະພະຍາຍາມຜ່ອນໜ້ອຍການລະບາຍນ້ຳທີ່ຖືກເປັນພິດ
cri
Author: da
ຕາມຂ່າວສານຊິນຮວາ:ໃນກອງປະຊຸມວຽກງານປ້ອງກັນແລະປົວແປງນ້ຳທີ່ເປັນພິດທີ່ລັດຖະບານຈີນຈັດຂຶ້ນໃນຫວ່າງບໍ່ດົນມານີ້,ກົມອະນຸລັກສິ່ງແວດລ້ອມຂອງຈີນຮ່ວມກັບອົງການປົກຄອງ 9 ເຂດແຂວງຈຸດໜັກເຊັ່ນ:ແຂວງເຫີເປເປັນຕົ້ນໄດ້ລົງນາມໃນເອກະສານຄວາມຮັບຜິດຊອບຄາດໝາຍຫຼຸດປະລິມານວັດຖຸທີ່ເປັນພິດໃນນ້ຳ.ໃນກອງປະຊຸມ ທ່ານເຈີນເພີຍຢຽນ ຮອງນາຍົກລັດຖະມົນຕີຈີນໄດ້ຮຽກຮ້ອງທ້ອງຖິ່ນຕ່າງໆເຫັນແຈ້ງສະພາບການອັນເຄັ່ງຮ້ອນໃນການຊ່ວຍກັນປ້ອງກັນແລະບຳບັດນ້ຳທີ່ເປັນພິດຢ່າງເຕັມທີ່.
ປະຈຸບັນ,ຍອດປະລິມານການລະບາຍວັດຖຸທີ່ເປັນພິດໃນນ້ຳຂອງຈີນໄດ້ລື່ນກາຍປະລິມານທີ່ສິ່ງແວດລ້ອມອະນຸຍາດໃຫ້ລະບາຍໄດ້ຢ່າງຫຼວງຫຼາຍ,ການບຳບັດສິ່ງທີ່ເປັນພິດຍັງຊັກຊ້າຢູ່,ຜົນສະທ້ອນຈາກນ້ຳທີ່ເປັນພິດກໍ່ເກີດຂຶ້ນເລື້ອຍໆ,ຄວາມປອດໄພຂອງນ້ຳກິນໃນຫຼາຍແຫ່ງມີຄວາມອັນຕະລາຍລີ້ຊ່ອນຢູ່.
ເພື່ອແກ້ໄຂສະພາບດັ່ງກ່າວ,ທ່ານເຈີນເພີຍຢຽນຮຽກຮ້ອງຝ່າຍທີ່ກ່ຽວຂ້ອງໃຫ້ເລັ່ງລັດການປັບປຸງວິສາຫະກິດທີ່ສ້າງນ້ຳພິດຢ່າງຈິງຈັງ,ພ້ອມກັນນັ້ນຕ້ອງວາງມາດຖານສິ່ງແວດລ້ອມຂອງວິສາຫະກິດຢ່າງເຄັ່ງຄັດ,ຫຼຸດຜ່ອນການລະບາຍນ້ຳທີ່ເປັນພິດອງວິສາຫະກິດໃຫ້ໜ້ອຍລົງໂດຍພື້ນຖານ;ເລັ່ງລັດການກໍ່ສ້າງລະບົບບຳບັດນ້ຳເປັນພິດແລະຂີ້ເຫຍື້ອໃນຕົວເມືອງ,ຮັບປະກັນໃຫ້ອັດຕາການບຳບັດນ້ຳທີ່ເປັນພິດໃນຕົວເມືອງທົ່ວປະເທດບໍ່ຕ່ຳກວ່າ 70% ໃນປີ 2010; ພ້ອມກັນນັ້ນ ກໍ່ເອົາໃຈໃສ່ນຳການປ້ອງກັນບໍ່ໃຫ້ເກີດອຸບັດຕິເຫດໃນດ້ານຄວາມປອດໄພຂອງສິ່ງແວດລ້ອມທາງນ້ຳ,ກຳນົດແລະປັບປຸງແຜນການເພື່ອແກ້ໄຂໂດຍດ່ວນ,ເພີ່ມທະວີການຕິດຕາມວັດແທກ,ຍົກຄວາມສາມາດການແກ້ໄຂໃຫ້ສູງຂຶ້ນ.
|
|
|
