|
ການແລກປ່ຽນເສດຖະກິດການຄ້າລະຫວ່າງເຂດໃນກັບຮົງກົງມາກາວໃນ 6 ເດືອນຕົ້ນປີນີ້ໄດ້ເພີ່ມຂຶ້ນຕື່ມອີກ
cri
Author: mo
ຕາມຂ່າວສານຊີນຮວາ: ຕົວເລກຫຼ້າສຸດຂອງທະບວງໄຕ້ຫວັນຮົງກົງມາກາວກະຊວງການຄ້າຈີນສະແດງໃຫ້ເຫັນວ່າ, ໃນ 6 ເດືອນຕົ້ນປີນີ້, ການແລກປ່ຽນເສດຖະກິດການຄ້າລະຫວ່າງເຂດໃນກັບຮົງກົງມາກາວໄດ້ເພີ່ມຂຶ້ນຕື່ມອີກ, ຍອດມູນຄ່າຂາເຂົ້າຂາອອກໃນດ້ານຕ່າງໆ, ສ່ວນຫຼາຍມີທ່ວງທ່າເພີ່ມຂຶ້ນເມື່ອທຽບກັບໄລຍະດຽວກັນຂອງປີກາຍ.
ຕາມສະຖິຕິ, ແຕ່ເດືອນມັງກອນຫາເດືອນມິຖຸນາປີນີ້, ຍອດມູນຄ່າຂາເຂົ້າຂາອອກລະຫວ່າງເຂດໃນກັບຮົງກົງໄດ້ລື່ນກາຍ 72 ຕື້ 600 ລ້ານໂດລາສະຫະລັດ, ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 23% ຂຶ້ນໄປ; ລະຫວ່າງເຂດໃນກັບມາກາວໄດ້ເພີ່ມຂຶ້ນ 59% ຂຶ້ນໄປ.
ນອກນີ້, ໃນ 6 ເດືອນຕົ້ນປີນີ້, ເຂດໃນໄດ້ດຶງດູດເອົາທຶນຮົງກົງແລະມາກາວເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 10% ຂຶ້ນໄປ.
|
|
